തിരുവനന്തപുരം: കോൺഗ്രസ് നേതാവ് എം എ ഷാനവാസിന്റെ മരണത്തിൽ അനുശോചിച്ച് കെപിസിസി മൂന്ന് ദിവസത്തെ ഔദ്യോഗിക പരിപാടികൾ മാറ്റിവച്ചു. കെപിസിസി വർക്കിംഗ് പ്രസിഡന്റും വയനാട് എം പിയും ആണ് ഷാനവാസ്. പരിപാടികൾ മാറ്റി വച്ച കാര്യം കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ ആണ് മാധ്യമങ്ങളെ അറിയിച്ചത്.
ഷാനവാസിന്റെ മൃതദേഹം ഉച്ചയോടെ നെടുമ്പാശ്ശേരി വിമാനത്താവളത്തിൽ എത്തിക്കും. അവിടെ നിന്നും പ്രതിപക്ഷനേതാവ് രമേശ് ചെന്നിത്തലയും മുല്ലപ്പളി രാമചന്ദ്രനും ചേർന്ന് മൃതദേഹം ഏറ്റുവാങ്ങും.
എറണാകുളത്തെ വീട്ടിൽ എത്തിക്കുന്ന മൃതദേഹം ഉച്ചക്ക് മൂന്നോടെ ദർബാർ ഹാളിൽ പൊതുദർശനത്തിന് വയ്ക്കും. നാളെയാണ് കബറടക്കം.
Post Your Comments