കൊച്ചി : ശബരിമല ദര്‍ശനത്തിനായി കേരളത്തിലെത്തിയ ഭൂമാതാ ബ്രിഗേഡ് നേതാവ് തൃപ്തി ദേശായിക്കും സംഘത്തിനും എട്ട് മണിക്കൂറുകള്‍ പിന്നിട്ടിട്ടും നെടുമ്പാശേരി വിമാനത്താവളത്തില്‍ നിന്നും പുറത്തുകടക്കാനായില്ല. വിമാനത്താവളത്തിന് പുറത്ത് പ്രതിഷേധവുമായി ബി.ജെ.പി, ഹിന്ദു ഹൈക്യവേദി പ്രവര്‍ത്തകരുടെ നേതൃത്വത്തില്‍ ഭക്തജനങ്ങളുടെ വന്‍ സംഘം നിലയുറപ്പിച്ചിരിക്കുകയാണ്.
എന്ത് വന്നാലും ശബരിമല ദര്‍ശനം നടത്തിയ ശേഷമേ കേരളത്തില്‍ നിന്നും മടങ്ങുകയുള്ളുവെന്ന ഉറച്ച നിലപാടിലാണ് തൃപ്തി ദേശായി.
അതിനിടെ പ്രതിഷേധം ഭയന്ന് മടങ്ങില്ലെന്നും എന്തുവന്നാലും ശബരിമലയില്‍ പോകണമെന്നും തൃപ്തി ഉറച്ച് നില്‍ക്കുന്ന സാഹചര്യത്തില്‍ ഹെലികോപ്ടറില്‍ ഇവരെ നിലയ്ക്കലില്‍ എത്തിക്കാന്‍ പോലീസ് ശ്രമിക്കുമെന്നും സൂചനയുണ്ട്. എന്നാല്‍, നിലയ്ക്കലിലും കനത്ത പ്രതിഷേധം ഉണ്ടാകുമെന്നതിനാല്‍ അതിന് പോലീസ് തയ്യാറാവില്ലെന്നും അറിയുന്നു. ഇക്കാര്യമൊന്നും പക്ഷേ, പോലീസ് സ്ഥിരീകരിക്കുന്നില്ല.
Post Your Comments