ദുബായ്: യുഎഇയുടെ വിവിധ ഭാഗങ്ങളിൽ കാലാവസ്ഥയില്‍ പ്രകടമായ മാറ്റങ്ങള്‍ക്ക് സാധ്യതയുള്ളതിനാൽ ജാഗ്രത പാലിക്കണമെന്ന് ജനങ്ങൾക്ക് മുന്നറിയിപ്പ്. കാലാവസ്ഥ വ്യതിയാനം താപനിലയില്‍ ഗണ്യമായ മാറ്റത്തിന് വഴിയൊരുക്കും. കൂടാതെ ചിലയിടങ്ങളിൽ മഴയ്ക്ക് സാധ്യതയുള്ളതായും മുന്നറിയിപ്പുണ്ട്. കഴിഞ്ഞ ദിവസം യുഎഇ യിലെ ജബല്‍ ജൈഷ് മേഖലയില്‍ രേഖപ്പെടുത്തിയ താപനിലയെ ആസ്പദമാക്കിയാണ് കാലാവസ്ഥാ നിരീക്ഷണ കേന്ദ്രം താപനിലയിലെ മാറ്റത്തെ കുറിച്ചുള്ള വിവരങ്ങള്‍ നൽകിയിരിക്കുന്നത്.
കാഴ്ച പരിധി കുറയുന്നതിനാല്‍ വാഹനമോടിക്കുമ്പോൾ അമിത വേഗത ഒഴിവാക്കണമെന്നും വാഹനം ഓടിക്കാന്‍ പ്രയാസം നേരിടുന്ന പക്ഷം വാഹനം റോഡില്‍ നിന്നും ഏറെ അകലം പാലിച്ച്‌ സുരക്ഷിത സ്ഥാനത്ത് പാര്‍ക്ക് ചെയ്യണമെന്നും പോലീസ് അറിയിച്ചു. കൂടാതെ കടല്‍ പ്രക്ഷുബ്ധമാകാന്‍ സാധ്യതയുള്ളതിനാല്‍ കടല്‍ പരിസരത്ത് ഇറങ്ങരുതെന്നും, മീന്‍ പിടിക്കാന്‍ പോകുന്നവര്‍ നിർദേശങ്ങൾ അനുസരിക്കണമെന്നും മുന്നറിയിപ്പുണ്ട്.
Post Your Comments