തിയറ്ററില്‍ വെച്ച് കുഞ്ഞു കരഞ്ഞതിന് കുടുംബത്തെ ആക്രമിച്ച യുവാക്കൾ അറസ്റ്റിൽ

പത്തനംതിട്ട : സിനിമാ തിയറ്ററിനുള്ളിൽ വെച്ച് കുഞ്ഞു കരഞ്ഞതിന് കുടുംബത്തെ ആക്രമിച്ച നാലു യുവാക്കൾ പിടിയിൽ. കൊല്ലം ഉമയനല്ലൂര്‍ സ്വദേശികളായ കുമാരസദനം ബൈജു (37), രാജേഷ് ഭവന്‍ രാജേഷ് (32), വിമലവിലാസം ബിജു (33), കിരണ്‍നിവാസ് കിരണ്‍ കെ. നായര്‍ (33) എന്നിവരെയാണ് പോലീസ് അറസ്റ്റ് ചെയ്തത്.

കഴിഞ്ഞ ദിവസം സിനിമകാണാന്‍ എത്തിയ ‌ഏബ്രഹാമിന് ഒപ്പമുണ്ടായിരുന്ന കുട്ടി കരഞ്ഞതുമൂലം സിനിമ ആസ്വാദനം തടസപ്പെട്ടതാണ് ആക്രമിക്കാൻ കാരണമെന്ന് പ്രതികൾ പോലീസിന് മൊഴി നൽകി. ആക്രമണം മൊബൈലില്‍ പകര്‍ത്തിയ യുവാവിനെയും അക്രമികൾ അടിച്ചു വീഴ്ത്തുകയുണ്ടായി.