കോഴിക്കോട് : നാട്ടുകാര്‍ പിടികൂടി പൊലീസില്‍ ഏല്‍പ്പിച്ച യുവാവ് മരിച്ചു. തിരുനെല്‍വേലി പനവടലിചത്രം സ്വദേശി സ്വാമിനാഥനാണ് (39) മരിച്ചത്. ദേഹാസ്വാസ്ഥ്യം അനുഭവപ്പെട്ടതിനെതുടര്‍ന്ന് പൊലീസ് മെഡിക്കല്‍ കോളേജ് ആശുപത്രിയില്‍ പ്രവേശിപ്പിക്കുകയായിരുന്നു. മരണകാരണം അറിവായിട്ടില്ല. ഇയാൾക്ക് പരിക്കുകളൊന്നും ഉണ്ടായിരുന്നില്ലെന്നാണ് വിവരം.
കഴിഞ്ഞ ദിവസം രാവിലെ ഏഴിന് കാട്ടുകുളങ്ങരയില്‍ ഇയാളുടെ അകന്ന ബന്ധു നടത്തുന്ന ആക്രിക്കടയില്‍ മോഷണം നടത്തുന്നതിനിടയിലാണ് സ്വാമിനാഥന് പിടിയിലാവുന്നത്. മെഡിക്കല്‍ കോളേജ് പൊലീസ് ഏഴരയോടെ സ്വാമിനാഥനെ കസ്റ്റഡിയില്‍ എടുത്ത് സ്റ്റേഷനിലെത്തിച്ചു. അല്‍പ്പ സമയം കഴിഞ്ഞ് സ്വാമിനാഥന് അസ്വാസ്ഥ്യം അനുഭവപ്പെട്ടതിനെതുടര്‍ന്ന് പൊലീസുകാര്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിക്കുകയായിരുന്നു. ഉച്ചയ്‌ക്ക് 1.10 ന് മരണമടഞ്ഞു. ഇന്ന് രാവിലെ ആര്‍.ഡി.ഒയുടെ സാന്നിദ്ധ്യത്തില്‍ പോസ്റ്റ് മോര്‍ട്ടം നടത്തും. ഇതിന് ശേഷമേ മരണകാരണം കണ്ടെത്താനാവൂ.
Post Your Comments