റാഞ്ചി : 34ാമത് ദേശീയ ജൂനിയര്‍ അത്‌ലറ്റിക് മീറ്റില്‍ ആന്‍സി സോജനിലൂടെ കേരളത്തിനു സ്വർണ്ണം. പെണ്‍കുട്ടികളുടെ അണ്ടര്‍ 18 വിഭാഗം ലോങ്ജമ്പില്‍ 5.97 മീറ്റര്‍ മറികടന്നാണ് സ്വര്‍ണ്ണം സ്വന്തമാക്കിയത്. ഭോപ്പാലില്‍ കഴിഞ്ഞ വര്‍ഷം നടന്ന ദേശീയ ജൂനിയര്‍ അത്‌ലറ്റിക്‌സില്‍ 5.94 മീറ്റര്‍ പിന്നിട്ട് മീറ്റ് റെക്കോഡ് ആന്‍സി സ്വന്തമാക്കിയിരുന്നു.
ബ്ലെസ്സി കുഞ്ഞുമോനാണ് ഇത്തവണ കേരളത്തിനായി ആദ്യ മെഡല്‍ നേടിയത്. പെണ്‍കുട്ടികളുടെ അണ്ടര്‍ 18 വിഭാഗം പോള്‍ വോള്‍ട്ടില്‍ 2.90 മീറ്റര്‍ കണ്ടെത്തി ബ്ലെസ്സി വെള്ളി മെഡല്‍ അണിയുകയായിരുന്നു.
Post Your Comments