റെയില്‍വേ അപ്രന്റിസ്ഷിപ്പിന് അവസരം; അപേക്ഷ ക്ഷണിച്ചു

കൊല്‍ക്കത്ത: ഈസ്റ്റേണ്‍ റെയില്‍വേയുടെ വര്‍ക്ക്‌ഷോപ്പുകളിലും ഡിവിഷനുകളിലും അപ്രന്റിസ്ഷിപ്പിന് അപേക്ഷ ക്ഷണിച്ചു. 2907 ഒഴിവുകളുണ്ട്. ഹൗറ-659, സീല്‍ദ-526, മാള്‍ഡ- 204, അസന്‍സോള്‍-412, കങ്ക്രാപ്പറ-206, ലിലുവ വര്‍ക്ഷോപ്പ്- 204, ജമല്‍പുര്‍ വര്‍ക്ഷോപ്പ്-696 എന്നിങ്ങനെയാണ് ഒഴിവുകള്‍. 50 ശതമാനം മാര്‍ക്കോടെ എസ്.എസ്.എല്‍.സി., അതത് ട്രേഡില്‍ ഐ.ടി.ഐ യാണ് യോഗ്യത.

പ്രായം: 2019 ജനുവരി 1-ന് 15-24. എസ്.സി., എസ്.ടിക്കാര്‍ക്ക് 5 വര്‍ഷവും ഒ.ബി.സി.ക്കാര്‍ക്ക് 3 വര്‍ഷവും അംഗപരമിതര്‍ക്ക് ചുരുങ്ങിയത് 10 വര്‍ഷവും വിമുക്തഭടര്‍ക്ക് നിയമാനുസൃതവും ഉയര്‍ന്ന പ്രായത്തില്‍ ഇളവ് അനുവദിക്കും. കൂടുതല്‍ വിവരങ്ങള്‍ക്കും അപേക്ഷിക്കാനായും സന്ദര്‍ശിക്കുക: www.rrcer.com. ഓണ്‍ലൈന്‍ അപേക്ഷ സ്വീകരിക്കുന്ന അവസാന തീയതി നവംബര്‍ 14.