മുസാഫര്‍നഗര്‍: ഡിവൈഡറിലിടിച്ച് തെറിച്ച കാറിനടിയില്‍പ്പെട്ട് വയോധിക മരിച്ചു. ഉത്തര്‍ പ്രദേശിലെ മുസാഫര്‍നഗറിലാണ് സംഭവം. ഡിവൈഡറിലിടിച്ച് കാര്‍ പലതവണ മലക്കം മറിഞ്ഞതിനു ശേഷമാണ് വോധികയുടെ മേല്‍ വീണത്. അതേസമയം കാറിലുണ്ടായിരുന്നവര്‍ അത്ഭുതകരമായി രക്ഷപെട്ടു.
ഡ്രൈവര്‍ ഉറങ്ങിയതാണ് അപകടകാരണമെന്ന് പോലീസ് അറിയിച്ചു. വാഹനം ഡിവൈഡറിലിടിച്ച് കറങ്ങി വൃദ്ധയുടെ മേല്‍ വന്നു വീഴുന്ന വീഡിയോ സമൂഹ മാധ്യമങ്ങളില്‍ വന്‍തോതില്‍ പ്രചരിച്ചിരിക്കുകയാണ്. മൂന്നു യാത്രക്കാരാണ് കാറിലുണ്ടായിരുന്നത്. ഇവര്‍ ഹരിദ്വാറിലേയ്ക്ക് പോകുകയായിരുന്നു. അപകടത്തില്‍ പരിക്കേറ്റ ഇവരെ ആശുപത്രിയില്‍ പ്രവേശിപ്പിച്ചു. സംഭവത്തില്‍ കേസ് രജിസ്റ്റര്‍ ചെയ്ത് അന്വേഷണം ആരംഭിച്ചതായി പോലീസ് സൂപ്രണ്ട് ഓംവീര്‍ സിങ് അറിയിച്ചു.
Post Your Comments