ചണ്ഡീഗഢ്: ഒന്നാം ക്ലാസുകാരിയ്ക്കു നേരെ ഏഴാംക്ലാസുകാരന്റെ അതിക്രമം . ശുചിമുറിയില്‍ വെച്ച് മോശമായി സ്പര്‍ശിയ്ക്കാന്‍ ശ്രമിച്ചു. ചണ്ഡീഗഡിലാണ് ഞെട്ടിക്കുന്ന സംഭവം നടന്നത്. സ്‌കൂള്‍ അധികൃതര്‍ വിവരമറിയിച്ചത് അനുസരിച്ച് 12 വയസ്സ് പ്രായമുള്ള ആണ്‍കുട്ടിയെ ജുവനൈല്‍ ഹോമിലേക്ക് മാറ്റി. ചണ്ഡീഗഢിലെ ഒരു സ്വകാര്യ സ്‌കൂളിലാണ് ഒന്നാം ക്ലാസ് വിദ്യാര്‍ത്ഥിനിക്ക് നേരെ പീഡനശ്രമമുണ്ടായത്.
സ്‌കൂളിലെ ശുചിമുറിയിലെത്തിയ പെണ്‍കുട്ടിയെ ഏഴാം ക്ലാസുകാരന്‍ മോശമായരീതിയില്‍ സ്പര്‍ശിക്കുകയും പീഡിപ്പിക്കാന്‍ ശ്രമിക്കുകയുമായിരുന്നു. ഒക്ടോബര്‍ 15-നായിരുന്നു സംഭവം. ഉപദ്രവത്തെക്കുറിച്ച് പെണ്‍കുട്ടി മാതാപിതാക്കളോട് വെളിപ്പെടുത്തിയെങ്കിലും മാനഹാനി ഭയന്ന് ആദ്യം പരാതി നല്‍കിയിരുന്നില്ല. പിന്നീട് ഒക്ടോബര്‍ 22-നാണ് സംഭവം പ്രിന്‍സിപ്പലിന്റെ ശ്രദ്ധയില്‍പ്പെടുത്തിയത്. തുടര്‍ന്ന് സ്‌കൂള്‍ പ്രിന്‍സിപ്പല്‍ ജില്ലാ വിദ്യാഭ്യാസ ഓഫീസറെ വിവരമറിയിച്ചു. ഏഴാം ക്ലാസുകാരന്റെ മാതാപിതാക്കളെ സ്‌കൂളില്‍ വിളിച്ചുവരുത്തുകയും ചെയ്തു. വിവരങ്ങള്‍ ചോദിച്ചറിഞ്ഞ പ്രിന്‍സിപ്പലിനോട് പെണ്‍കുട്ടിയെ ഉപദ്രവിക്കാന്‍ ശ്രമിച്ചെന്ന് വിദ്യാര്‍ത്ഥി സമ്മതിച്ചു. ഇതിനുപിന്നാലെയാണ് പൊലീസില്‍ പരാതി നല്‍കിയത്.
Post Your Comments