ബോളിവുഡിലെ പെര്‍ഫെക്ട് ആക്ടറാണ് ആമിർ ഖാൻ. 2016 ലെ ദീപാവലി താരത്തിന് കുറെയേറെ സ്പെഷ്യൽ ആയിരുന്നു. ആമിര്‍ നായകനായ ദംഗലിന്റെ ട്രെയിലറിന് നല്ല പിന്തുണ ലഭിച്ചതോടെ ദീപാവലി ദിവസം താരം ആമിര്‍ ബാന്ദ്രയിലുള്ള തന്റെ വസതിയില്‍ വെച്ച് മുഴുവന്‍ ദംഗല്‍ ടീമിനും പാര്‍ട്ടി നൽകുകയുണ്ടായി. സംവിധായകന്‍ നിതേഷ് തിവാരി, ചിത്രത്തിലെ അഭിനേതാക്കളായ ഫാത്തിമ ഫന ഷെയ്ക്ക്, സന്യ മല്‍ഹോത്ര എന്നിവരുൾപ്പെടെ നിരവധി പേർ ഈ പാർട്ടിയിൽ പങ്കെടുത്തിരുന്നു.
ആമിര്‍ അതിഥിതാരമായെത്തിയ ‘സീക്രട്ട് സൂപ്പര്‍സ്റ്റാർ’ എന്ന ചിത്രമായിരുന്നു കഴിഞ്ഞ വർഷത്തെ ദീപാവലിക്ക് തിയറ്ററുകൾ നിറഞ്ഞോടിയ ചിത്രം. സൈറ വസീം, വൈശാലി സഹദേവ് എന്നിവരായിരുന്നു ചിത്രത്തിലെ പ്രധാന കഥാപാത്രങ്ങൾ. ഇത്തവണത്തെ ദീപാവലിക്ക് താരം തങ്ങൾക്കായി എന്താണ് ഒരുക്കിവെച്ചിരിക്കുന്നതെന്ന ആകാംക്ഷയിലാണ് ആരാധകരിപ്പോൾ.
Post Your Comments