തിരുവനന്തപുരം: ചാരായ കേസില്‍പ്പെട്ട എക്സൈസ് ഓഫീസറെ രക്ഷിക്കാന്‍ കൃത്രിമ രേഖകള്‍ ചമച്ച കേസില്‍ എക്സൈസ് റേഞ്ച് ഇന്‍സ്പെക്ടര്‍ അടക്കം അഞ്ചു ജീവനക്കാര്‍ക്ക് സസ്പെന്‍ഷന്‍. മല്ലപ്പള്ളി എക്സൈസ് റേഞ്ച് ഇന്‍സ്പെക്ടര്‍ പി. സജു, പ്രിവന്‍റീവ് ഓഫീസര്‍ സച്ചിന്‍ സെബാസ്റ്റ്യന്‍, സിവില്‍ എക്സൈസ് ഓഫീസര്‍മാരായ എസ്. ഷൈന്‍, ജി. പ്രവീണ്‍, എക്സൈസ് ഡ്രൈവര്‍ പി.ജി.വിശ്വനാഥന്‍ എന്നിവരെയാണ് അന്വേഷണ വിധേയമായി സസ്പെന്‍ഡ് ചെയ്തത്.
പത്തനംതിട്ട എക്സൈസ് ഡിവിഷനിലെ മല്ലപ്പള്ളി എക്സൈസ് റേഞ്ച് ഓഫീസില്‍ സൂക്ഷിച്ചിരുന്ന ചാരായം ഡിപ്പാര്‍ട്ട്മെന്‍റ് ബൈക്കില്‍ പുറത്തേക്കു കൊണ്ടുപോയ സിവില്‍ എക്സൈസ് ഓഫീസര്‍ വി. പ്രദീപ്കുമാറിനെ പോലീസ് കേസില്‍നിന്നു രക്ഷിക്കാന്‍ കൃത്രിമ രേഖകള്‍ ചമച്ച കേസിലാണ് എക്സൈസ് കമ്മീഷണര്‍ കൂട്ട അച്ചടക്ക നടപടി സ്വീകരിച്ചത്.
Post Your Comments