ഇന്നലെ സെവിയ്യക്കെതിരെ നടന്ന മത്സരത്തിനിടയില്‍ സൂപ്പര്‍ താരം ലയണല്‍ മെസ്സിക്ക് പരിക്കേറ്റു. മത്സരത്തിന്റെ 26ആം മിനുട്ടിലാണ് മെസ്സിക്ക് പരിക്കേറ്റത്. വീഴുന്നതിനിടെ കൈക്കാണ് പരിക്കു പറ്റിയത്. മെസ്സിയുടെ കൈക്ക് ഫ്രാക്ചറുകള്‍ ഇല്ല എന്നാണ് പ്രാഥമിക റിപ്പോര്‍ട്ട്. എങ്കിലും കൈ മുട്ടിന്റെ സ്‌കാനിംഗിനു ശേഷമെ കൂടുതല്‍ വിവരങ്ങള്‍ അറിയാന്‍ കഴിയൂ.
എല്‍ ക്ലാസിക്കോയും ഇന്ററിനെതിരായ ചാമ്പ്യന്‍സ് ലീഗ് മത്സരവുമൊക്കെ അടുത്തിരിക്കെയാണ് മെസ്സിക്ക് പരിക്ക് പറ്റിയത്. പരിക്കേറ്റതിന് ശേഷവുംആദ്യം കളി തുടരാന്‍ മെസ്സി ശ്രമിച്ചുവെങ്കിലും പരിക്ക് സാരമുള്ളത് കൊണ്ട് കളം വിടുകയായിരുന്നു. കളിക്കളത്തില്‍ നിന്നും പോകുന്നതിന് മുമ്പ് ഒരു ഗോളും ഒരു അസിസ്റ്റും മെസ്സി സ്വന്തമാക്കിയിരുന്നു.
Post Your Comments