പ്രിയപ്പെട്ടവരെ ദുബായ് കാണിക്കാനാഗ്രഹിക്കുന്നുണ്ടോ? ഇതാ ഒരു സുവർണ്ണാവസരം

ദുബായ്: പ്രിയപ്പെട്ടവരെ നാട്ടിൽ നിന്ന് ദുബായ് കാണിക്കാൻ കൊണ്ടുവരണം എന്നാഗ്രഹിക്കുന്നവർക്ക് ഒരു സുവർണ്ണാവസരം. വിനോദ സഞ്ചാര വാണിജ്യ വിപണന വകുപ്പ് (ദുബായ് ടൂറിസം) സമൂഹ മാധ്യമങ്ങളിലൂടെ ഒരുക്കുന്ന #MyDubai എന്ന പരിപാടിയിൽ വിജയികളാകുന്നവർക്കാണ് കുടുംബാംഗങ്ങളേയോ സുഹൃത്തുക്കളെയോ ദുബായിലേയ്ക്ക് കൊണ്ടുവരാൻ കഴിയുന്നത്. എമിറേറ്റ്സ് വിമാനത്തിൽ രണ്ട് പേർക്ക് റിട്ടേൺ ടിക്കറ്റാണ് സമ്മാനം ലഭിക്കുന്നത്.

പങ്കെടുക്കാൻ വേണ്ടി MyDubai എന്ന ഫേസ്ബുക്ക് പേജിൽ എൻട്രി സമർപ്പിക്കാവുന്നതാണ്. അല്ലെങ്കിൽ തങ്ങളുടെ ഇൻസ്റ്റാഗ്രാം, ട്വിറ്റർ അക്കൗണ്ടുകളിൽ #MyDubai അല്ലെങ്കിൽ #MyInvite ഉപയോഗിച്ച് അപ്‌ലോഡ് ചെയ്യാം. 15 ആഴ്ചകളിൽ നീണ്ടുനിൽക്കുന്ന മത്സരത്തിൽ ഒാരോ ആഴ്ചയും രണ്ടു വിജയികളെ വീതമാണ് തിരഞ്ഞെടുക്കുന്നത്. ഇൗ മാസം 15ന് ആരംഭിച്ച മത്സരം 2019 ജനുവരി 31നാണു അവസാനിക്കുന്നത്.