ദുബായ്: യുഎഇയില്‍ കിംവദന്തികളും വ്യാജ വാര്‍ത്തകളും പ്രചരിപ്പിക്കുന്നവർക്ക് മുന്നറിയിപ്പ്. സമൂഹമാധ്യമങ്ങളിലൂടെയും മറ്റും പ്രചാരണം നടത്തുന്നവർക്ക് പത്തുലക്ഷം ദിര്‍ഹം വരെ പിഴ ചുമത്തുമെന്നാണ് ദുബായ് പോലീസ് മുന്നറിയിപ്പ് നൽകിയിരിക്കുന്നത്. രാജ്യത്തിന്‍റെ സുരക്ഷ കണക്കിലെടുത്താണ് നടപടി. അബുദാബി, ദുബായ് വിമാനത്താവളങ്ങളിലെ ഹൂതി ആക്രമണം, ദുബായിയിലെ ഉപേക്ഷിക്കപ്പെട്ട വാഹനങ്ങള്‍, ദുബായിയില്‍ മൊറോക്കോ ഗായകന്‍ കൊല്ലപ്പെട്ടത്, രാജ്യത്ത് ലഭ്യമായ പ്രമുഖ ഭക്ഷ്യവസ്തുക്കളിലെ മായം, സ്കൂളുകളിലെ ലഹരിമരുന്നു ലഭ്യത, യെമന്‍ യുദ്ധത്തില്‍ കൊല്ലപ്പെട്ട സര്‍വകലാശാല വിദ്യാര്‍ഥികള്‍ എന്നിങ്ങനെ സംബന്ധിച്ച വ്യാജ വാര്‍ത്തകള്‍ സമൂഹമാധ്യമങ്ങളിലൂടെ പ്രചരിച്ചതിലൂടെ രാജ്യത്തിന്‍റെ അന്തസ്സിന് കോട്ടം തട്ടിയതായി അല്‍ അമീന്‍ പോലീസിലെ ജമാല്‍ അഹമ്മദ് പറഞ്ഞു. അടിസ്ഥാനരഹിതമായ ആരോപണങ്ങളും അഭ്യൂഹങ്ങളും ഉന്നയിക്കുന്നതും പ്രചരിപ്പിക്കുന്നതും കുറ്റകരമാണെന്ന് അദ്ദേഹം കൂട്ടിച്ചേർത്തു.
Post Your Comments