വനിത ടി20 ടീം റാങ്കിംഗ് പ്രഖ്യാപിച്ച് ഐസിസി ; ഇന്ത്യയുടെ റാങ്കിങ് എത്രയാണെന്ന് അറിയാം

ദുബായ് : വനിത ടി20യിൽ ആദ്യത്തെ ടീം റാങ്കിംഗ് പട്ടിക പുറത്തു വിട്ട് ഐസിസി.ഏകദിനത്തിലെ പോലെ ടി20യിലും ഒന്നാം സ്ഥാനം ഓസ്‌ട്രേലിയ സ്വന്തമാക്കി. 280 റേറ്റിംഗ് പോയിന്റുകൾ സ്വന്തമാക്കിയാണ് ഈ നേട്ടം കൈവരിച്ചത്. 45 ടീമുകളുടെ പട്ടികയാണ് ഐസിസി ടി20 റാങ്കിംഗിനായി തയ്യാറാക്കിയിരിക്കുന്നത്.

277 പോയിന്റുമായി ന്യൂസിലാണ്ടും 276 പോയിന്റുമായി ഇംഗ്ലണ്ടും രണ്ടും, മൂന്നും റാങ്കുകൾ സ്വന്തമാക്കി. ഇവര്‍ക്കൊക്കെ പിന്നിലായി ഇന്ത്യ അഞ്ചാം സ്ഥാനമാണ് സ്വന്തമാക്കിയത്. വിന്‍ഡീസ് 259 പോയിന്റ് നേടിയപ്പോള്‍ ഇന്ത്യയ്ക്ക് 249 പോയിന്റാണുള്ളത്.