വമ്പൻ വിലക്കുറവ്; ആമസോണിന്‍റെയും ഫ്ലിപ്കാര്‍ട്ടിന്റെയും സൂപ്പർ സെയിലിന് ബുധനാഴ്ച തുടക്കം

ആമസോണിന്‍റെയും ഫ്ലിപ്കാര്‍ട്ടിന്റെയും സൂപ്പർ സെയിലിന് ബുധനാഴ്ച തുടക്കം.സ്മാര്‍ട്‌ഫോണുകള്‍, ഗൃഹോപകരണങ്ങള്‍, ഇലക്‌ട്രോണിക് ഉപകരണങ്ങള്‍, ഫാഷന്‍, സൗന്ദര്യ വര്‍ധക ഉല്‍പ്പന്നങ്ങള്‍, പുസ്തകങ്ങള്‍ ഉള്‍പ്പടെയുള്ളവ വില്‍പ്പന മേളയില്‍ ആകര്‍ഷകമായ വിലക്കുറവിലും ഡീലുകളിലും ലഭിക്കും. ബുധനാ‍ഴ്ച മുതല്‍ ഈ മാസം 15 വരെയാണ് ആമസോണ്‍ ഗ്രേറ്റ് ഇന്ത്യന്‍ ഫെസ്റ്റിവല്‍ സെയില്‍ നടക്കുക. 15ന് രാത്രി 11.59ന് വില്‍പന അവസാനിക്കും.

ബുധനാ‍ഴ്ച മുതല്‍ ഈ മാസം 14വരെയാണ് ഫ്ലിപ്കാര്‍ട്ടിലെ ബിഗ് ബില്യണ്‍ ഡേ സെയില്‍. ഗാഡ്ഗറ്റിനും ആക്സസറികള്‍ക്കും 80 ശതമാനം വിലക്കുറവിലാണ് ഫ്ലിപ്പ് കാര്‍ട്ടിലെ വിൽപ്പന. 45,990 രൂപ വിലയുള്ള സാംസങ്ങ് ഗാലക്സി എസ് 8 ഫോണ്‍ 29,990 രൂപയ്ക്കും ഷവോമിയുടെ എം ഐ മിക്സ് 2 7000 രൂപ ഡിസ്കൗണ്ടില്‍ 22,999 രൂപയ്ക്കും ഈ ദിവസങ്ങളില്‍ ലഭിക്കും. ഇലക്‌ട്രോണിക്സ് ഉല്‍പ്പന്നങ്ങള്‍ക്കും ഫര്‍ണിച്ചറുകള്‍ക്കും 50 ശതമാനവും ലാപ്ടോപ്പുകള്‍ക്ക് 40 ശതമാനവും ഫാഷന്‍/ലൈഫ്സ്റ്റൈല്‍ വിഭാഗത്തിലെ ഉത്പന്നങ്ങള്‍ക്കും പുസ്തകങ്ങള്‍ക്കും 80 ശതമാനവും കി‍ഴിവിലൂടെയാണ് ലഭിക്കുന്നത്.