ചെമ്മനാട്: സ്‌കൂട്ടറില്‍ ലോറിയിടിച്ചുണ്ടായ അപകടത്തില്‍ രണ്ട് യുവാക്കള്‍ക്ക് പരിക്കേറ്റു. ഞായറാഴ്ച പുലര്‍ച്ചെയാണ് ചെമ്മനാട് മുണ്ടാങ്കുലത്ത് വെച്ച് കെ എസ് ടി പി റോഡിലേക്ക് കയറുന്നതിനിടെ യുവാക്കള്‍ സഞ്ചരിച്ച സ്‌കൂട്ടറില്‍ ലോറി ഇടിച്ചത്. പൊയ്നാച്ചി സ്വദേശികളായ രണ്ട് യുവാക്കള്‍ക്കാണ് അപകടത്തില്‍ പരിക്കേറ്റത്.
അപകടം കണ്ടതിനെ തുടര്‍ന്ന് ഓടിക്കൂടിയ നാട്ടുകാരാണ് പരിക്കേറ്റവരെ ആശുപത്രിയില്‍ പ്രവേശിപ്പിച്ചത്. മംഗളൂരുവില്‍ പരീക്ഷ എഴുതാന്‍ പോവുകയായിരുന്നു യുവാക്കളെന്നാണ് വിവരം. കാലിനും നെഞ്ചിനും പരിക്കേറ്റ ഇവരെ മംഗളൂരുവിലെ ആശുപത്രിയിലാണ് പ്രവേശിപ്പിച്ചത്.
Post Your Comments