പ്രതിശ്രുത വധുവിനെ കാണാൻ നാട്ടിലെത്തിയ യുവാവിൽ നിന്ന് പോലീസ് പിടിച്ചെടുത്തത് ലഹരി മരുന്നും കഞ്ചാവും

ആലപ്പുഴ: പ്രതിശ്രുത വധുവിനെ കാണാൻ നാട്ടിലെത്തിയ യുവയിൽ നിന്ന് പോലീസ് ലഹരി മരുന്നും കഞ്ചാവും പിടിച്ചെടുത്തു. നിശാപാര്‍ട്ടികളില്‍ കൊഴുപ്പിക്കുന്ന വില കൂടിയ ലഹരി മരുന്നുകളുമായാണ് യുവാവ് ആലപ്പുഴയില്‍ പിടിയിലായത്. ബംഗളൂരു ഹനുമന്തനഗര്‍ സ്വദേശി ഋഷഭ് (26) ആണ് അറസ്റ്റിലായത്. ആലപ്പുഴയിലെ പ്രതിശ്രുത വധുവിനെ കാണാനെത്തിയപ്പോഴാണ് യുവാവ് അറസ്റ്റിലായത്.

ഗ്രാമിന് പതിനായിരം രൂപയിലധികം വിലയുള്ള മെത്തലീന്‍ ഡയോക്‌സി മെത്താ ആംഫിറ്റമിന്‍ (എംഡിഎംഎ) ആണ് ഇയാളില്‍നിന്ന് പിടിച്ചെടുത്തത്. അര ഗ്രാമില്‍ കൂടുതല്‍ കൈവശം വെച്ചാല്‍ തന്നെ 20 വര്‍ഷം തടവും 2 ലക്ഷം രൂപവരെ പിഴയും ലഭിക്കാവുന്ന കുറ്റമാണിത്. ഒരു ഗ്രാം എംഡിഎംഎ ലഹരി മരുന്നും കഞ്ചാവും ഇയാളില്‍നിന്ന് കണ്ടെടുത്തു. ഫ്രഞ്ച് പൗരത്വമുള്ള യുവതിയുമായി വിവാഹം ഉറപ്പിച്ച ഇയാള്‍ ആലപ്പുഴയില്‍ തങ്ങുന്ന യുവതിയെക്കാണാന്‍ ഗോവയില്‍ നിന്നാണ് ലഹരി മരുന്നുമായി എത്തിയത്.