ദുബായ്: ദുബായ് വിമാനത്താവളത്തിലെ സര്‍വ്വീസുകളിൽ മാറ്റം വരുത്തി . ദുബൈ വിമാനത്താവളം നവീകരണത്തിനായി അടച്ചിടുന്ന കാലയളവിലാണ് ഫ്ലൈ ദുബായ് എയര്‍ലൈന്‍സിന്റെ സര്‍വ്വീസുകള്‍ക്ക് മാറ്റം.
ജബല്‍ അലിയിലെ ദുബൈ വേള്‍ഡ് സെന്‍ട്രല്‍ വിമാനത്താവളത്തിലേക്ക് മാറ്റും. 39 സര്‍വ്വീസുകളാണ് ഇങ്ങനെ മാറ്റുന്നത്. തിരുവനന്തപുരത്തേക്കും കൊച്ചിയിലേക്കുമുള്ള സര്‍വ്വീസുകളും ഇതില്‍ ഉള്‍പ്പെടുന്നു.
അറ്റകുറ്റപ്പണികൾ 2019 ഏപ്രില്‍ 19 മുതല്‍ ഒന്നരമാസത്തേക്കാണ് വിമാനത്താവളത്തില്‍ നടത്തുമെന്ന് അറിയിച്ചിരിക്കുന്നത്. മേയ് 30 വരെ വിമാന സര്‍വ്വീസുകളില്‍ കാര്യമായ മാറ്റം വന്നേക്കും. ഇന്ത്യയില്‍ തിരുവനന്തപുരത്തിനും കൊച്ചിക്കും പുറമെ ദില്ലി, മുംബൈ, ചെന്നൈ, അഹമ്മദാബാദ്, ഹൈദരാബാദ്, ഫൈസാബാദ്, ലക്നൗ, എന്നിവിടങ്ങളിലേക്കുള്ള സര്‍വ്വീസുകളും ദുബൈ വേള്‍ഡ് സെന്‍ട്രല്‍ വിമാനത്താവളത്തിലേക്ക് മാറ്റും.
ഇതിന് പുറമെ ദുബായില്‍ നിന്ന് മറ്റ് ഗള്‍ഫ് രാജ്യങ്ങളിലേക്കുള്ള ചില സര്‍വ്വീസുകളും പുനഃക്രമീകരിക്കും. അറ്റകുറ്റപ്പണി നടക്കുന്ന കാലയളവില്‍ ദുബായ് വിമാനത്താവളത്തിന്റെ ആകെ ശേഷിയുടെ പകുതിയോളമേ ഉപയോഗിക്കാനാവൂ.
Post Your Comments