കന്നുകാലി കടത്തല്‍: ഒഡീഷയില്‍ അക്രമം

ബദ്രക്:  ഒഡീഷയിലെ അസുറാലിയില്‍ കന്നുകാലി കടത്തല്‍ ആരോപിച്ച് ആളുകള്‍ ട്രക്കിന് തീ വച്ചു. കൂടാതെ മറ്റ് നാല് വാഹനങ്ങള്‍ തകര്‍ത്തു.
കന്നുകാലികളുമായി അസുറാലിക്ക് സമീപമുള്ള പന്ദാരബാട്ടിയയില്‍ നിന്ന് കൊല്‍ക്കത്തയിലേക്ക് പോയ ട്രക്കിനാണ് ഒരു കൂട്ടം ആളുകള്‍ തീ വച്ചത്.

ഏഴു ട്രക്കുകളാണ് കന്നുകാലികളുമായി പന്ദാരബാട്ടിയയില്‍ നിന്ന് കൊല്‍ക്കത്തയിലേക്ക് പോയത്. ഇതറഞ്ഞി ആളുകള്‍ ഈ വാഹനങ്ങള്‍ തടഞ്ഞു. തുടര്‍ന്ന് കന്നുകാലികളെ വാഹനങ്ങളില്‍ നിന്നും ഇറക്കി. എന്നാല്‍ നാലു കന്നുകാലികള്‍ ചത്തെന്നു കണ്ട ഇവര്‍ പ്രകോപിതരാകുകയായിരുന്നു.

തുടര്‍ന്നുണ്ടായ അക്രമത്തില്‍ ഇവര്‍ ഒരു ട്രക്കിന് തീ വയ്ക്കുകയും മറ്റ് നാലു ട്രക്കുകള്‍ അടിച്ചു തകര്‍ക്കുകയും ചെയ്തു. കന്നുകാലികളെ കടത്തുന്നതില്‍ പ്രതിഷേധിച്ച് ഗ്രാമീണര്‍ റോഡ് ഉപരോധിക്കുകയും ചെയ്തു. പോലീസെത്തിയാണ് സ്ഥിതിഗതികള്‍ ശാന്തമാക്കിയത്.

നിയമം ലംഘച്ചുള്ള കന്നുകാലികടത്തല്‍ പതിവായതോടെ ഇതേച്ചൊല്ലി ഇവിടെ ക്രമസമാധാനപ്രശ്നങ്ങളുണ്ടാകുന്നതും പതിവാിരിക്കുകയാണ്.