കോട്ടയം: കോടനാട് പള്ളി വികാരി ഫാ. നിക്കോളാസ് മണിപ്പറമ്പില്‍, കുറവിലങ്ങാട് മഠത്തില്‍ എത്തിയത് കൊലക്കേസ് പ്രതിയോടൊപ്പം. 2011ലെ അങ്കമാലി മുക്കന്നൂര്‍ തൊമ്മി വധക്കേസിലെ പ്രതി സജിയാണ് നിക്കോളാസ് എത്തിയത്. ഇന്നെലെയാണ് അദ്ദേഹം മഠത്തില്‍ എത്തിയത്. ജലന്ധര്‍ ബിഷപ്പിനെതിരെ ലൈംഗിക പീഡന പരാതി നല്‍കിയ കന്യാസ്ത്രീ താമസിക്കുന്ന മഠത്തില്‍ ഫാദര്‍ എത്തിയതില്‍ അന്വേഷണം വേണമെന്ന് കന്യാസ്ത്രീയുടെ ബന്ധുക്കള്‍ ആവശ്യപ്പെട്ടു.
കന്യാസ്ത്രീകളെ സ്വാധീനിക്കാനും സമ്മര്‍ദ്ദത്തിലാക്കാനുമാണ് കൊലക്കേസ് പ്രതിയുമായി വികാരി അവിടെയെത്തിയതെന്ന് ബന്ധുക്കള്‍ ആരോപിച്ചിരുന്നു. എന്നാല്‍ മറ്റൊരു പരിപാടിയില്‍ പങ്കെടുക്കാന്‍ കുറവിലങ്ങാട് പോയിതാണെന്നും, മഠം അടുത്തായതുകൊണ്ട് അവിടെ കയറിയതാണെന്നുമാണ് നിക്കോളാസ് മണിപ്പറമ്പിലിന്റെ പ്രതികരണം. കന്യാസ്ത്രീകളെ താന്‍ സ്വാധീനിക്കാന്‍ ശ്രമിച്ചിട്ടില്ലെന്നും അദ്ദേഹം പറഞ്ഞു.
മുന്‍ ജലന്ധര്‍ ബിഷപ്പിനെതിരായ കേസില്‍ കന്യാസ്ത്രീകളുടെ പക്കലുള്ള തെളിവുകള്‍ കണ്ടിരുന്നുവെന്നാണ് ആദ്യം ഫാ.നിക്കോളാസ് പറഞ്ഞത്. എന്നാല്‍ പിന്നീട് ഈ വിഷയത്തില്‍ താന്‍ തെറ്റുദ്ധരിക്കപ്പെടുകയായിരുന്നു എന്നാണ് ഫാ.നിക്കോളാസ് പറഞ്ഞത്.
Post Your Comments