കർഷകർക്ക് താങ്ങാകാൻ വിള ഇൻഷുറൻസ്

കൽപ്പറ്റ: കനത്ത പ്രളയത്തെയും കാലവർഷത്തെയും അതിജീവിക്കാൻ ഇനി മുതൽ ഇൻഷുറൻസ്. കാലവർഷകെടുതിയിലും പ്രളയത്തിലും കർഷകർക്ക് താങ്ങാകാൻ ഇൻഷുറൻസ് പരിരക്ഷ ലഭിക്കും.

കർഷകർ സംസ്ഥാനത്ത് ഒരുപാട് ഉണ്ടെങ്കിലും ഇൻഷുറൻസ് തുടങ്ങിയവ ചെയ്യുന്നവർ കുറവാണ് , സംസ്ഥാന കർഷകക്ഷേമവകുപ്പാണ് വിള ഇൻഷുറൻസ് പദ്ധതി നടപ്പാക്കുന്നത്. ഇത്തവണ പ്രളയം നേരിട്ടപ്പോൾ കേരളത്തിൽ മാത്രം കോടിക്കണക്കിന് രൂപയുടെ നാശനഷ്ടമാണ് കർഷകർക്ക് സംഭവിച്ചത്. ഇതിൽ പത്ത് ശതമാനം കർഷകർപോലും യാതൊരു തരത്തിലുള്ള വിള ഇൻഷുറൻസ് പദ്ധതികളിലും അംഗത്വം നേടാത്തവരാണ്.