ഗിരിദിഹ്: ജാര്‍ഖണ്ഡിലെ ഗിരിദിഹ് ജില്ലയില്‍ നിന്നും ഒരു നക്‌സലിനെ പിടികൂടി. സിആര്‍പിഎഫും പൊലീസും സംയുക്തമായി നടത്തിയ നീക്കത്തിനൊടുവിലാണ് നക്‌സല്‍ പിടിയിലായത്. ഭേല്‍വാഘട്ടിയിലെ ഭത്വാകുരയില്‍ നിന്നുളള ബല്‍ദേവ് സോറേനാണ് കുടുങ്ങിയത്. ബോംബ് നിര്‍മ്മാണത്തില്‍ പ്രത്യേക പ്രാവീണ്യമാണ് ഇയാള്‍ക്കെന്നാണ് റിപ്പോര്‍ട്ട്.
ഇതുതന്നെയാണ് നക്‌സലുകള്‍ക്കിടയില്‍ ഇയാളെ പ്രമുഖനാക്കുന്നത്. 55 കിലോ ഗ്രാം സ്‌ഫോടക വസ്തുക്കളും മൂന്ന് ബണ്ടില്‍ കോര്‍ഡെക്‌സ് വയറും 175 കിലോയോളം വരുന്ന മറ്റ് ബോംബ് നിര്‍മ്മാണ വസ്തുക്കളും ഇയാളില്‍ നിന്ന് പിടികൂടിയിട്ടുണ്ട്. കഴിഞ്ഞ കുറേ നാളുകള്‍ക്ക് ശേഷമുള്ള നീക്കത്തിനൊടുവിലാണ് ഇയാള്‍ പിടിയിലായത്.
Post Your Comments