സമകാലിക ഇന്ത്യന്‍ സാഹചര്യം പശ്ചാത്തലമാക്കി ഒരുക്കുന്ന മലയാളം ചലച്ചിത്രമാണ് ‘റെഡ് ഗ്രീന്‍ ബ്ലൂ’. സ്വന്തം അഭിപ്രായങ്ങൾ സമൂഹത്തോട് തുറന്നുപറയുമ്പോൾ വേട്ടയാടപ്പെടുന്നവരുടെ കഥയാണിത്.
രാജ്യം കണ്ട സൈബര്‍ ആക്രമണങ്ങളും എഴുത്തിന്റെ പേരിലുള്ള കൊലപാതകങ്ങളുമൊക്കെ കോര്‍ത്തിണക്കി ചിത്രമൊരുക്കുന്നത് നവാഗതനായ രാഹുല്‍ രാജ് ആണ്.
നവരംഗ് സ്‌ക്രീന്‍സിനു വേണ്ടി നടനും നിര്‍മ്മാതാവുമായ ബിനുദേവ് നിര്‍മ്മിക്കുന്ന രണ്ടാമത് ചിത്രമാണിത്. ആദ്യ ചിത്രം ശ്യാമപ്രസാദിന്റെ സംവിധാനത്തില്‍ നിവിന്‍ പോളി അഭിനയിച്ച ഇംഗ്ലീഷ് ആണ്. ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത് ബിനുദേവ്, സജേഷ് നമ്പ്യാര്‍, ഋതുമന്ത്ര, ജോണ്‍ ഡാനിയല്‍ എന്നിവരാണ് . ഛായാഗ്രഹണം വരുണ്‍ കെ ഷാജി.
ഭാനു എന്ന കവയത്രിയിലൂടെ ആണ് സിനിമ വികസിക്കുന്നത്. അവരുടെ കവിതകളും മറ്റ് എഴുത്തുകളും ഉന്നതരുടെ പേടിസ്വപ്നമാകുമ്പോള്‍ അവരുടെ ജീവിതം അപകടത്തിലാവുന്നു. പേരിലുള്ള മൂന്ന് നിറങ്ങള്‍ ആഖ്യാനത്തിന്റെ ഭാഗമായി വരും. ചിത്രത്തിന്റെ ഫസ്റ്റ് ലുക്ക് സംവിധായകന്‍ ശ്യാമപ്രസാദ് പുറത്തിറക്കി. ചിത്രത്തിന്റെ ഷൂട്ടിംഗ് പുരോഗമിക്കുകയാണ്.
Post Your Comments