റാസൽഖൈമ :യുഎഇയിൽ മലയിൽ നിന്നും വീണ് വിദേശ യുവതിക്ക് ദാരുണാന്ത്യം. റാസൽഖൈമയിൽ വിനോദ സഞ്ചാരത്തിന് എത്തിയ 30കാരിയായ ഏഷ്യക്കാരിയാണ് മരിച്ചത്. ഇന്നലെ ഉച്ചയ്ക്ക് ശേഷമായിരുന്നു സംഭവം. വെള്ളമോ ഭക്ഷണമോ ഇല്ലാത്തതിനാൽ ക്ഷീണിതയായ യുവതി കാൽതെറ്റി താഴേയ്ക്കു വീണെന്നാണ് ഭർത്താവ് പോലീസിനോട് പറഞ്ഞത്. പോലീസെത്തുന്നതിന് മുൻപേ നാട്ടുകാർ രക്ഷാപ്രവർത്തനം നടത്തി. ഗുരുതരമായി പരുക്കേറ്റ യുവതിയെ ആംബുലൻസിൽ ആശുപത്രിലേയ്ക്ക് കൊണ്ടുപോയെങ്കിലും വഴിമധ്യേ മരണം സംഭവിക്കുകയായിരുന്നു.
ഗലേലിയ മലയിൽ നിന്നാണ് ഇവർ വീണത്. യുവതിയോടൊപ്പം ഭർത്താവും അവരുടെ സുഹൃത്തുക്കളുമുണ്ടായിരുന്നെന്നും ഭർത്താവാണ് ഉച്ചയ്ക്ക് രണ്ടരയോടെ പൊലീസിൽ വിവരമറിയിച്ചതെന്നും അൽഷാമിൽ പൊലീസ് ഡയറക്ടർ ബ്രി. സുലൈമാൻ അൽ കിസി പറഞ്ഞു. അതേസമയം സംഭവത്തിൽ അന്വേഷണം ആരംഭിച്ചതായും മലനിരകളിൽ സന്ദർശനം നടത്തുമ്പോൾ ജാഗ്രത പുലർത്തണമെന്നും റാസൽഖൈമ പൊലീസ് അറിയിച്ചു.
Post Your Comments