മൂന്ന് ക്യാമറകളുള്ള ഫോൺ അവതരിപ്പിച്ച് സാംസങ്

മൂന്ന് ക്യാമറകളോടു കൂടിയ ഗ്യാലക്‌സി എ7 മോഡൽ ദക്ഷിണ കൊറിയയില്‍ അവതരിപ്പിച്ച് സാംസങ്. 24 എംപി, 8 എംപി, 5 എംപി എന്നിങ്ങനെ മൂന്ന് ക്യാമറകളാണ് ഈ ഫോണിന് ഉള്ളത്. 1080x 2220 റെസല്യൂഷനിൽ 6 ഇഞ്ച് സൂപ്പര്‍ അമോലെഡ് ഡിസ്‌പ്ലേ, 3,300 എംഎഎച്ച് ബാറ്ററി, ഫിംഗര്‍പ്രിന്റ് സെന്‍സർ എന്നിവയാണ് ഫോണിന്റെ സവിശേഷതകൾ.

4 ജിബി റാം 64 ജിബി സ്റ്റോറേജ്, 6 ജിബി റാം 128 ജിബി സ്‌റ്റോറേജ് എന്നിങ്ങനെ രണ്ട് വാരിയന്റുകളാണ് ഫോണിനുള്ളത്. മൈക്രോ എസ്ഡി കാര്‍ഡ് ഉപയോഗിച്ച്‌ 512 ജിബി വരെ സ്‌റ്റോറേജ് വര്‍ധിപ്പിക്കാവുന്നതാണ്. നീല, കറുപ്പ്, ഗോള്‍ഡ്, പിങ്ക് എന്നീ നാല് നിറങ്ങളിൽ ഫോൺ ലഭ്യമാണ്.