ഭോപാല്‍: യുവതിക്ക് നേരെ ആസിഡ് ആക്രമണം. ആക്രമണത്തില്‍ 21 വയസുകാരിയായ നര്‍ത്തകി കൂടിയായ യുവതിയ്ക്ക് കാഴ്ച നഷ്ട്ടമായി. ഇന്‍ഡോറിലാണ് സംഭവം. യുവതി യു.എസില്‍ ഒരു മേളയില്‍ പങ്കെടുക്കാന്‍ പോകുന്നതിനായി വിമാനത്താവളത്തിലെത്തിയതായിരുന്നു. മുഖം മറച്ചെത്തിയ അക്രമി നര്‍ത്തകിക്ക് നേരെ രാസവസ്തു ഒഴിക്കുകയായിരുന്നു.
റോഡരികില്‍ നില്‍ക്കുകയായിരുന്ന യുവതിക്ക് നേരെ മുഖം മറച്ച വ്യക്തി ആക്രമണം നടത്തുന്ന ദൃശ്യങ്ങള്‍ സി.സി.ടി.വിയില്‍ പതിഞ്ഞിരുന്നു. ഇതിന്റെ അടിസ്ഥാനത്തില്‍ മഹേന്ദ്ര സോനു എന്നയാളാണ് അക്രമി എന്ന് തിരിച്ചറിയുകയും പൊലീസ് അറസ്റ്റ് ചെയ്യുകയും ചെയ്തു. കണ്ണിന്റെ കോര്‍ണിയക്ക് തകരാര്‍ പറ്റിയ യുവതിയുടെ കാഴ്ച ശക്തി ഇല്ലാതായതായി ഡോക്ടര്‍മാര്‍ പറഞ്ഞു.
Post Your Comments