വഴിയേ പോകുന്നവര്‍ക്കെല്ലാം ആയിരം ദിര്‍ഹം; അറബ് യുവാക്കളെ തേടി പൊലീസ്

ദുബൈ: റോഡിലൂടെ നടന്നു പോകുന്നവര്‍ക്കെല്ലാം ആയിരം ദിര്‍ഹം വീതം വെറുതെ നല്‍കിയ രണ്ട് അറബ് യുവാക്കളെ പൊലീസ് തിരയുന്നു. ദുബൈയിലാണ് സംഭവം. ചെറുപ്പക്കാരുടെ വീഡിയോ വൈറലായിരുന്നു. നടന്നു പോയവര്‍ക്കെല്ലാം ഇവര്‍ പണം വിതരണം ചെയ്യുന്നത് വീഡിയോയില്‍ കാണാം. വാങ്ങുന്നവരുടെ മുഖത്തെ അമ്പരപ്പും വീഡിയോയില്‍ കാണാം. സംഭവം കണ്ട് ചിലര്‍ വാഹനം നിര്‍ത്തി പണം വാങ്ങുന്നുമുണ്ട്.

https://www.facebook.com/Redstarpeople/videos/551612635253073/?t=0

ടാക്സി ഡ്രൈവര്‍മാരും ക്ലീനിങ് ജോലിക്കാരും സൈക്കിളിലും ബൈക്കിലും കടന്നു പോകുന്നവരുമടക്കം പലരും പണം വാങ്ങുന്നുണ്ട്. ചിലര്‍ കാര്യം അന്വേഷിക്കുന്നുണ്ട്. ശൈഖ് മുഹമ്മദ് അല്‍ ഖാസിമിയുടെ സമ്മാനമെന്നാണ് യുവാക്കള്‍ ഇതിന് നല്‍കിയ മറുപടി. സോഷ്യല്‍ മീഡിയയിലൂടെ വീഡിയോ വൈറലായതോടെയാണ് ദുബൈ പൊലീസ് അന്വേഷണത്തിനിറങ്ങിയത്. ജുമൈറ ബീച്ചിന് സമീപത്താണ് സംഭവമെന്ന് സംശയിക്കപ്പെടുന്നു.