ലോകത്തിൽ ആദ്യമായി അഞ്ചു ക്യാമറയുള്ള ഫോൺ അവതരിപ്പിക്കാൻ ഒരുങ്ങി എൽജി

ലോകത്തിൽ ആദ്യമായി അഞ്ചു ക്യാമറയുള്ള ഫോൺ അവതരിപ്പിക്കാൻ ഒരുങ്ങി എൽജി. പി 20 പ്രോയെയും കടത്തിവെട്ടുന്ന V40 ThinQ എന്ന ഫോൺ ഒക്ടോബര്‍ 3നായിരുക്കും വിപണി കീഴടക്കാൻ എത്തുക. പിറകില്‍ മൂന്ന് സെന്‍സറുകളും മുന്‍വശത്ത് രണ്ടു സെന്‍സറുകളും അടക്കം മൊത്തം 5 ക്യാമറകളായിരിക്കും ഉണ്ടാവുക.

സ്നാപ്ഡ്രാഗൺ 845 ,OLED അല്ലെങ്കില്‍ എല്‍സിഡി ഡിസ്‌പ്ലേ, 6 ജിബി, 8 ജിബി റാം, 64 ജിബി, 128 ജിബി മെമ്മറി, എന്നിവയാണ് പ്രത്യേകതകളെന്ന് ചില ടെക്ക് മാധ്യമങ്ങൾ റിപ്പോർട്ട് ചെയുന്നു എങ്കിലും ഫോണിനെ സംബന്ധിച്ചുള്ള കൂടുതല്‍ സവിശേഷതകള്‍ ഒന്നും കമ്പനി പുറത്തു വിട്ടിട്ടില്ല. അതേസമയം V30 യുടെ പിന്‍ഗാമികളായ V30S, V35 എന്നിവയും ഉടന്‍ അവതരിപ്പിക്കുമെന്നും റിപ്പോർട്ടുണ്ട്.