മുംബൈ: കാണാതായ എച്ച്ഡിഎഫ്‌സി ബാങ്ക് ഉദ്യോഗസ്ഥന്റെ മൃതദേഹം കണ്ടെത്തി. മുംബൈ കല്യാണില്‍ നിന്നാണ് സിദ്ധാര്‍ഥ് സാങ്വിയുടെ മൃതദേഹം ലഭിച്ചത്. കൊലപാതകവുമായി ബന്ധപ്പെട്ട് 20കാരനെ ഇന്നലെ അറസ്റ്റ് ചെയ്തിരുന്നു.നവി മുംബൈയിലെ കോപ്പര്‍കെയ്‌രൈനില്‍ ഡ്രൈവറായ സര്‍ഫാര്‍സ് ഷെയ്ഖ് ആണ് അറസ്റ്റിലായിരിക്കുന്നത്.
സെപ്തംബര്‍ 5നാണ് എച്ച്ഡിഎഫ്‌സി ബാങ്ക് വൈസ് പ്രസിഡന്റായ സിദ്ധാര്‍ഥ് കിരണ്‍ സാങ്വിയെ കാണാതായത്. സിദ്ധാർത്ഥിന്റെ സഹപ്രവർത്തകന്റെ നിർദ്ദേശപ്രകാരമായിരുന്നു കൊലനടത്തിയതെന്ന് പ്രതി മൊഴി നൽകിയിരുന്നു. ജോലിക്കിടിയിലുണ്ടായ പ്രശ്നനങ്ങളാണ് കൊലപാതക കാരണം.
Read also:ഹർത്താലിനിടെ കോണ്‍ഗ്രസ്-സിപിഎം പ്രവര്‍ത്തകര്‍ ഏറ്റുമുട്ടൽ
ലോവര്‍ പരേലിലെ കമല മില്‍ കോംപൗണ്ടിലെ പാര്‍ക്കിംഗ് പ്രദേശത്ത് വെച്ചാണ് സിദ്ധാര്‍ഥിനെ മൂന്ന് പേര്‍ ചേര്‍ന്ന് കുത്തിക്കൊലപ്പെടുത്തിയത്. തുടര്‍ന്ന് മൃതദേഹം തുണിയില്‍ പൊതിഞ്ഞ് സിദ്ധാർത്ഥിന്റെ കാറില്‍ വെച്ചു. മൃതദേഹം എവിടെയെങ്കിലും ഉപേക്ഷിക്കാനാണ് തനിക്ക് നല്‍കിയ നിര്‍ദേശമെന്നാണ് പ്രതിയായ ഷെയ്ഖ് മൊഴി വ്യക്തമാക്കിയത്.
Post Your Comments