രണ്ടാം വാര്‍ഷിക ദിനത്തില്‍ ഉപഭോക്താക്കള്‍ക്ക് സൗജന്യ ഡാറ്റയുമായി ജിയോ

രണ്ട് വര്‍ഷം പൂര്‍ത്തിയാക്കിയ ഉപഭോക്താക്കള്‍ക്ക് 16 ജിബി ഡാറ്റ സൗജന്യം. ആദ്യ 8 ജിബി ഡാറ്റ സെപ്റ്റംബറിലും അടുത്ത 8 ജിബി ഡാറ്റ ഒക്ടോബറിലുമാണ് നല്‍കുന്നത്. ദിവസേന 2 ജിബി ഡാറ്റ വീതം 4 ദിവസത്തേക്കാണ് ഒരു മാസത്തില്‍ അനുവദിക്കുക. മൈ പ്ലാന്‍സിലും മൈ ജിയോ ആപ്പിലും പാക് ലഭ്യമാണ്. സെപ്റ്റംബര്‍ 10 മുതല്‍ ഒക്ടോബര്‍ 8 വരെയാണ് ഓഫറിന്റെ കാലാവധി.  ഉപയോക്താക്കളെ അനുസരിച്ചാകും പാക് വാലിഡിറ്റി നിശ്ചയിക്കുന്നത്.

ALSO READ: അപൂർവ്വ റെക്കോർഡ് നേട്ടം കൈവരിച്ച് സെർജിയോ റാമോസ്

ഇതുകൂടാതെ കാഡ്ബറി ഡയറി മില്‍ക്കിനൊപ്പം ജിയോ ഒരു ജിബി ഡാറ്റ സൗജന്യമായി നല്‍കുന്നുണ്ട്. ഡയറി മില്‍ക്കിന്റെ 5 രൂപ മുതലുള്ള ചോക്ലേറ്റുകള്‍ക്കൊപ്പമാണ് ജിയോ അധിക ഡാറ്റ നല്‍കുന്നത്. ഡയറി മില്‍ക്കിന്റെ കവറിലെ ക്യൂ ആര്‍ കോഡ് സ്‌കാന്‍ ചെയ്ത് അധികമായി ലഭിക്കുന്ന ഡാറ്റ സ്വന്തമാക്കാവുന്നതാണ്. ജിയോയിലെ പ്രതിദിന അതിവേഗ ഡാറ്റ ഉപയോഗത്തിന് ശേഷം സൗജന്യ ഡാറ്റ ലഭ്യമാകും.