കൊച്ചി: കന്യാസ്ത്രീയെ പീഡനത്തിനിരയാക്കിയ സംഭവത്തിൽ ബിഷപ്പ് ഫ്രാങ്കോ മുളയ്ക്കലിന്‍റെ അറസ്റ്റ് വൈകുന്നതില്‍ പ്രതിഷേധിച്ച്‌ ജോയിന്‍റ് ക്രിസ്ത്യന്‍ കൗണ്‍സിലിന്‍റെ നേതൃത്വത്തില്‍ ഇന്ന് മുതൽ സത്യഗ്രഹസമരം തുടങ്ങും. എറണാകുളം ഹൈക്കോടതി ജംഗ്ഷനിലാണ് സമരം നടക്കുക. കുറവിലങ്ങാട് മഠത്തിലെ കന്യാസ്ത്രീകളും പ്രതിഷേധ സമരത്തിൽ പങ്കെടുക്കും.
ALSO READ: ജലന്ധര്‍ ബിഷപ്പിന്റെ അറസ്റ്റ് ആവശ്യപ്പെട്ട് കന്യാസ്ത്രീ കോടതിയിലേക്ക്
ജലന്തർ ബിഷപ്പിനെതിരെ മാത്രിയായ തെളിവുകൾ ലഭിക്കുകയും, പുതിയ വെളിപ്പെടുത്തലുകളുമായി കൂടുതൽ കന്യാസ്ത്രീകൾ രംഗത്തെത്തുകയും ചെയ്ത സാഹചര്യത്തിലാണ് ബിഷപ്പിനെ അറസ്റ്റ് ചെയ്യണമെന്ന ആവശ്യം മുറുകുന്നത്. തങ്ങൾ തിരുവസ്ത്രം ഉപേക്ഷിക്കാൻ കാരണമായതും ബിഷപ്പിന്റെ മോശം പെരുമാറ്റം കാരണമാണെന്ന് രണ്ട് പേർ പോലീസിൽ മൊഴി നൽകിയിരുന്നു. ബിഷപ്പ് തങ്ങളെ കയറിപ്പിടിക്കുകയും അശ്ലീലച്ചുവയോടെ സംസാരിക്കുകയും ചെയ്തിരുന്നതായാണ് മൊഴി. സംഭവത്തില്‍ പരാതി നല്‍കിയപ്പോള്‍ ബിഷപ്പില്‍ നിന്നും സഭയില്‍ നിന്നും കടുത്ത സമ്മര്‍ദ്ദം ഉണ്ടായെന്നും മനംമടുത്താണ് തിരവസ്ത്രം ഉപേക്ഷിച്ചതെന്നും ഇവർ പറഞ്ഞിരുന്നു.
Post Your Comments