പുലിയുടെ മുന്നിൽപ്പെട്ട യുവതിക്ക് അത്ഭുതകരമായ രക്ഷപെടൽ. പുത്തനഴി അമ്പലപ്പടി എടത്തൊടി ദിലീപിന്റെ ഭാര്യ ദൃശ്യയാണ് പുലിയുടെ മുന്നിൽപ്പെട്ടത്. വ്യാഴാഴ്ച രാത്രി പത്ത് മണിയോടെയായിരുന്നു സംഭവം. പാത്രം കഴുകാൻ അടുക്കളഭാഗത്തേക്കു പോയ ദൃശ്യ പുലിയുടെ മുന്നിൽപ്പെടുകയായിരുന്നു. ഇതോടെ യുവതി ബഹളംവച്ച് വീട്ടിനകത്തേക്ക് ഓടിക്കയറി.
പുത്തനഴി, ആശാരിക്കുന്ന്, അമ്പലപ്പടി ഭാഗങ്ങളിലായി പത്തിലേറെ പേരാണ് പുലിയെ കണ്ടത്. വനപാലകർ ഇവിടെത്തി പരിശോധന നടത്തുകയുണ്ടായി. അതേസമയം അരക്കിലോമീറ്റർ അകലെ ഇരിങ്ങാട്ടിരിയിൽ ഒരു മാസം മുൻപ് പുലിയെ കണ്ടതായി റിപ്പോർട്ടുകൾ ഉണ്ടായിരുന്നു.
Post Your Comments