ഗുഡ്ഗാവ്: ഹരിയാനയില്‍ ആറാം ക്ലാസ്സുകാരിയെ പീഡിപ്പിച്ച യുവാവ് ഒളിവില്‍. ഗുഡ്ഗാവിലാണ് സംഭവം നടന്നത്. സമൂഹ മാധ്യമമായ ഇന്‍സ്റ്റഗ്രാമിലൂടെ പരിചയപ്പെട്ട പെണ്‍ക്കുട്ടിയെ, സര്‍വകലാശാല വിദ്യാര്‍ത്ഥിയായ പിയുഷ്(22) പീഡിപ്പിക്കുകയായിരുന്നു. നഗരത്തിലെ ഒരു ഫ്‌ളാറ്റിലെ പാര്‍ക്കിംഗ് മേഖലയില്‍ വച്ചാണ് ഇയാള്‍ പെണ്‍ക്കുട്ടിയെ പീഡിപ്പിച്ചത്.
ഇന്‍സ്റ്റഗ്രാം വഴി മൂന്നുമാസം മുമ്പാണ് പ്രതിയായ പിയുഷ് ആറാം ക്ലാസ്സുകാരിയെ പരിചയപ്പെട്ടതെന്ന് ചൈല്‍ഡ് വെല്‍ഫയര്‍ കമ്മിറ്റി പറഞ്ഞു. ഇയാള്‍ മുമ്പും രണ്ട് തവണ പെണ്‍ക്കുട്ടിയെ പീഡിപ്പിച്ചിട്ടുണ്ട്. പെണ്‍ക്കുട്ടിയുടെ അമ്മ നല്‍കിയ പരാതിയില്‍ പോലീസ് കേസ് എടുത്തു.
പോക്‌സോ നിയമ പ്രകാരമാണ് കേസ് എടുത്തിട്ടുള്ളത്. പെണ്‍ക്കുട്ടിയെ വൈദ്യപരിശോധനയ്ക്ക് വിധേയയാക്കി.
ALSO READ:13 വയസുള്ള പെണ്‍ക്കുട്ടിയെ മാനഭംഗപ്പെടുത്തിയ യുവാവ് പിടിയില്‍
ഫ്‌ളാറ്റിലെ ഒന്നാം നിലയില്‍ മൂത്ത സഹോദരനോടൊപ്പം താമസിക്കുന്ന ഇയാള്‍ പെണ്‍ക്കുട്ടിയെ പലപ്രാവശ്യമായി പീഡിപ്പിക്കുകയായിരുന്നു.
Post Your Comments