യുഎഇയിൽ കാണാതായ യുവാവിനെ മരിച്ച നിലയിൽ കണ്ടെത്തി : കടുത്ത ഉഷ്ണമാണ് മരണ കാരണമെന്നു റിപ്പോർട്ട്

അബുദാബി : കാണാതായ യുവാവിനെ മരിച്ച നിലയിൽ കണ്ടെത്തി. ഓഗസ്റ്റ് ഒന്ന് മുതൽ കാണാതായ മഹ് മൂദ് എന്ന 34 കാരനെയാണ് അബുദാബി അല്‍ ബത്തീന്‍ എന്ന പ്രദേശത്തു മരിച്ച നിലയിൽ കണ്ടെത്തിയത്. വീട് വിട്ടു പോയ ഇയാൾ തിരിച്ച് വരാത്തതിനെ തുടർന്ന് ബന്ധുക്കള്‍ തിരച്ചില്‍ നടത്തിവരികയും 24 ദിവസങ്ങൾക്ക് ശേഷം മൃതദേഹം കണ്ടെത്തുകയുമായിരുന്നു. കടുത്ത ഉഷ്ണമാണ് മരണ കാരണമായതെന്നും മരണത്തിൽ ദുരൂഹതയില്ലെന്നും പോലീസ് അറിയിച്ചു. അതേസമയം മരിച്ചയാള്‍ മാനസിക വിഭ്രാന്ത്രി പ്രകടിപ്പിച്ചു വന്നിരുന്നതായും റിപ്പോർട്ടുണ്ട്.

Also read  : മദ്യലഹരിയിൽ കാറോടിച്ച് അപകടമുണ്ടാക്കിയ പോലീസുകാരൻ അറസ്റ്റിൽ