കൊൽക്കത്ത ഫുട്ബോൾ ലീഗിൽ തിളങ്ങി മലയാളി താരം ജോബി ജസ്റ്റിൻ

കൊൽക്കത്ത: കൊൽക്കത്ത ഫുട്ബോൾ ലീഗിൽ തിളങ്ങി മലയാളി യുവതാരം ജോബി ജസ്റ്റിൻ. ഇന്നലെ നടന്ന മത്സരത്തിൽ സ്ട്രൈക്കർ ജോബിയുടെ മികച്ച പ്രകടനത്തിൽ ടോളിഗഞ്ച് അഗ്രഗാമിയെ പരാജയപ്പെടുത്തി ഈസ്റ്റ് ബംഗാൾ വിജയം കൈവരിച്ചു. ജോബി ജസ്റ്റിൻ കളിയിൽ ഒരു ഗോൾ അടിക്കുകയും ഒരു ഗോൾ അസ്സിസ്റ് ചെയ്യുകയും ചെയ്തു. ഇതോടെ ലീഗിൽ ജോബിക്ക് മൂന്നു ഗോളുകളായി.

ALSO READ: എമിറേറ്റ് ഫുട്ബോൾ താരം വാഹനാപകടത്തിൽ മരിച്ചു

എതിരില്ലാത്ത മൂന്ന് ഗോളുകൾക്കായിരുന്നു ടോളിഗഞ്ച് അഗ്രഗാമിയെ ഈസ്റ്റ് ബംഗാൾ വീഴ്ത്തിയത്. ഇതോടെ അഞ്ചു മത്സരങ്ങളിൽ നിന്ന് 13 പോയന്റുമായി കൊൽക്കത്ത ഫുട്ബോൾ ലീഗിൽ ഈസ്റ്റ് ബംഗാൾ ഒന്നാമതെത്തി.13 പോയന്റ്മായി മോഹൻ ബഗാനും ഒപ്പമുണ്ടെങ്കിലും ഗോൾ ഡിഫറെൻസ് ഉള്ളതിനാലാണ് ഈസ്റ്റ് ബംഗാൾ ഒന്നാം സ്ഥാനത്ത് എത്തിയത്.