കേരളത്തിന് സഹായവുമായി അമിതാഭ് ബച്ചനും ആലിയ ഭട്ടും

പ്രളയക്കെടുതിയിൽ ദുരിതം അനുഭവിക്കുന്ന കേരളത്തിലേക്ക് സംഭാവനകൾ അയച്ച് ബോളിവുഡ് താരങ്ങളായ അമിതാഭ് ബച്ചനും ആലിയ ഭട്ടും. റസൂൽ പൂക്കുട്ടി ഫൌണ്ടേഷൻ വഴിയാണ് ഇവർ സാധനങ്ങൾ അയച്ചത്. മുംബൈ വിമാനത്താവളത്തില്‍ നിന്ന് തിരുവനന്തപുരത്തേക്ക് ജെറ്റ് എയര്‍വേയ്‌സ് വഴി പാര്‍സലുകള്‍ എത്തും.

Where else do you see such unity, thank you so much @jetairways and Shri#NareshGoyal for rising to the occasion #IncredibleIndia is not a tagline, it’s the true spirit of India, relief materials been loaded by ##@jetairways employees in Mumbai. pic.twitter.com/k6C7XQo8Go

— resul pookutty (@resulp) August 23, 2018

ലഭിച്ച സാധനങ്ങൾ സൗജന്യമായി തിരുവനന്തപുത്തേക്ക് ജെറ്റ് എയര്‍വേയ്‌സ് വഴി എത്തിക്കും. ജെറ്റ് എയർവേസിനും നരേഷ് ഗോയലിനും അദ്ദേഹം നന്ദി അറിയിച്ചു. ‘ഇന്‍ക്രെഡിബിള്‍ ഇന്ത്യ എന്നത് വെറുമൊരു ടാഗ് ലൈനല്ല. അതൊരു യഥാര്‍ഥ ആവേശമാണ്’- റസൂല്‍ പൂക്കുട്ടി ട്വീറ്റ് ചെയ്തു.

നേരത്തെ കേരളത്തെ സഹായിക്കണമെന്ന് അഭ്യർത്ഥിച്ച് റസൂൽ പൂക്കുട്ടി താരങ്ങളെ സമീപിച്ചിരുന്നു.സഹായങ്ങള്‍ എകോപിപ്പിക്കാന്‍ താന്‍ സന്നദ്ധനാണെന്നും അത് തന്റെ കര്‍ത്തവ്യമാണെന്നും റസൂല്‍ പുക്കുട്ടി നേരത്തേ വ്യക്തമാക്കിയിരുന്നു.