മുല്ലപ്പെരിയാറിന്‍റെ അവസാന ഷട്ടറും അടച്ചു

കുമളി: മുല്ലപ്പെരിയാര്‍ ഡാമിന്‍റെ ജലനിരപ്പ് 139.97 അടിയായി കുറഞ്ഞതിനെ തുടർന്ന് സ്പില്‍വേയില്‍ ഷട്ടര്‍ അടച്ചു. ഇന്ന് രാവിലെ വരെ ഒരു ഷട്ടറാണ് തുറന്നിരുന്നത്. മുല്ലപ്പെരിയാറിന്‍റെ അവസാനത്തെ ഷട്ടറും ഇതോടെ തമിഴ്നാട് അടച്ചു.

Also Read: അൻപൊടു കൊച്ചിയെ ചോദ്യം ചെയ്ത യുവതിയുടെ കട കളക്ടർ പൂട്ടിച്ചെന്നു ആരോപണം

ജലനിരപ്പ് 140 അടിക്കുമുകളിലെത്തിയതോടെ ഈ മാസം പതിനഞ്ചിനാണ് ഡാമിന്റെ ഷട്ടറുകൾ ഉയർത്തിയത്. അതിനാൽ സ്പിൽവേയിലെ എട്ടു ഷട്ടറുകൾ തമിഴ്നാട് പൂർണമായും താഴ്ത്തിയിരുന്നു. അതേസമയം ഇടുക്കി അണക്കെട്ടില്‍ ജലനിരപ്പ് 2400.70 അടിയായി. പുറത്തേക്ക് ഒഴുക്കുന്ന വെള്ളത്തിന്‍റെ അളവ് സെക്കന്‍ഡില്‍ 200 ഘനമീറ്ററായി കുറച്ചിട്ടുണ്ട്.