ഏഴ് ജില്ലകളിൽ നാളെ അവധി പ്രഖ്യാപിച്ചു

തിരുവനന്തപുരം : കനത്ത മഴയും പ്രളയക്കെടുതിയും രൂക്ഷമായതിനാൽ ഏഴ് ജില്ലകളിൽ നാളെയും അവധി പ്രഖ്യാപിച്ചു. ‌‌കോട്ടയം, കോഴിക്കോട്, വയനാട്, എറണാകുളം, പാലക്കാട്, മലപ്പുറം, ആലപ്പുഴ ജില്ലകളിലെ പ്രഫഷണൽ കോളേജ് ഉള്‍പ്പടെയുള്ള വിദ്യാഭ്യാസ സ്ഥാപനങ്ങള്‍ക്ക് വെള്ളിയാഴ്ച അവധിയായിരിക്കും.

Also read : അതീവഗുരുതര സാഹചര്യം നേരിടാൻ കൈയ്യിൽ കരുതാം ഈ എമർജൻസി കിറ്റ്

പിഎസ്‌സി വെള്ളി, ശനി ദിവസങ്ങളിലെ പരീക്ഷകൾ മാറ്റിവെച്ചു. ഡിപ്പാർട്ട്മെന്‍റൽ പരീക്ഷകൾ, അഭിമുഖ പരീക്ഷകൾ, സർട്ടിഫിക്കറ്റ് പരിശോധന ഉൾപ്പടെയാണ് മാറ്റിവെച്ചത്. പുതുക്കിയ തീയതി പിന്നീട് അറിയിക്കും.കണ്ണൂർ യൂണിവേഴ്സിറ്റി 21വരെ നടത്താനിരുന്ന എല്ലാ പരീക്ഷകളും, കോഴിക്കോട് ഓഗസ്റ്റ് 31 വരെ നടത്താനിരുന്ന എല്ലാ പരീക്ഷകളും മാറ്റിവച്ചു. കൂടാതെ സർവകലാശാല അടച്ചു. ഓഗസ്റ്റ് 29-ന് തുറക്കും. ആരോഗ്യ സര്‍വ്വകലാശാല നാളെ നടത്താനിരുന്ന എല്ലാ പരീക്ഷകളും മാറ്റിവെച്ചു. എംജി സര്‍വ്വകലാശാല ഈ ആഴ്ച്ച നടത്താനിരുന്ന എല്ലാപരീക്ഷകളും മാറ്റി. വിവിധ കോഴ്സുകളിലേക്ക് കാർഷിക സർവകലാശാല നടത്താനിരുന്ന പ്രവേശന നടപടികൾ മാറ്റിവെച്ചു.