പെരിങ്ങല്‍ക്കുത്ത് ഡാമിന്റെ ഷട്ടറുകള്‍ കൂടുതല്‍ ഉയർത്തും; അതീവ ജാഗ്രതാ നിര്‍ദ്ദേശം

തൃശൂര്‍: കഴിഞ്ഞ രണ്ട് ദിവസമായി മഴ നിർത്താതെ തുടരുന്ന സാഹചര്യത്തിൽ പെരിങ്ങല്‍ക്കുത്ത് ഡാമിന്റെ ഷട്ടറുകള്‍ കൂടുതല്‍ ഉയർത്തുമെന്ന് അധികൃതർ മുന്നറിയിപ്പ് നൽകി. ചാലക്കുടിയില്‍ നിരവധിയാളുകള്‍ വെള്ളക്കെട്ടില്‍ ഒറ്റപ്പെട്ടിരിക്കുകയാണ്. അവരെ രക്ഷപ്പെടുത്താന്‍ ചെറിയ വള്ളങ്ങള്‍, ഫ്‌ലോട്ടിംഗ് ബോട്ടുകള്‍ എന്നിവ ആവശ്യമായി വന്നിരിക്കുകയാണ്.ഇവ സജ്ജമാക്കാന്‍ കഴിയുന്നവര്‍ എത്രയും വേഗത്തില്‍ ചാലക്കുടി കണ്‍ട്രോള്‍ റൂമുമായി ബന്ധപ്പെടണമെന്ന് ജില്ലാ കളക്ടര്‍ അറിയിച്ചു. ഫോണ്‍: 0480 27 05 800.

ALSO READ:പെരുമ്പാവൂരിൽ കുടുങ്ങികിടന്ന 200 പേരെ രക്ഷപ്പെടുത്തി

തൃശൂര്‍ ജില്ലയില്‍ രക്ഷാ പ്രവര്‍ത്തനതിന് ഹെലികോപ്റ്റര്‍. ചാലക്കുടി മേഖലയില്‍ വെള്ളക്കെട്ടില്‍ കുടുങ്ങിയവരെ രക്ഷിക്കാന്‍ ഹെലികോപ്റ്റര്‍ സംവിധാനങ്ങള്‍ ഏര്‍പ്പെടുത്തിയതായി മന്ത്രി വി.എസ്‌ സുനില്‍കുമാര്‍. 300 പേരാണ് വെള്ളക്കെട്ടില്‍ കുടുങ്ങിയിരിക്കുന്നത്.