ആറന്മുള: ആറന്മുള എഞ്ചിനിയറിങ് കോളേജിന്റെ ഹോസ്റ്റലില്‍ കുടുങ്ങിക്കിടന്ന വിദ്യാര്‍ത്ഥികളെ നാവികസേന രക്ഷപ്പെടുത്തി. ഇവര്‍ക്കൊപ്പം ഒരു വാര്‍ഡനും ഉണ്ടായിരുന്നു. ഇന്ന് പുലര്‍ച്ചെ രണ്ട് മണിയോട് കൂടിയാണ് വിദ്യാര്‍ത്ഥികളെ രക്ഷപ്പെടുത്തിയത്. നാലു നില കെട്ടിടത്തിന്റെ രണ്ട് നിലയോളം വെള്ളംകേറി അപകടത്തിലായിരന്നു കുട്ടികള്‍.
രണ്ടാം നിലയില്‍ വെള്ളമെത്തിയതോടെ വിദ്യാര്‍ത്ഥികള്‍ തൊട്ട് മുകളിലെ നിലയിലേക്ക് മാറുകയായിരുന്നു. ഇതിനിടെ ഭക്ഷണവും കുടിവെള്ളവും ലഭിച്ചിരുന്നില്ല. ഇഴജന്തുക്കളുടെ ശല്യവും കുട്ടികളെ ഭയപ്പെടുത്തിയിരുന്നു. കുട്ടികളെ രക്ഷിച്ചെന്ന വാര്‍ത്ത സിനിമാ സംവിധായകനും നടനുമായ ആഷിഖ് അബു പങ്കുവച്ചിരുന്നു.
Post Your Comments