സിനിമയ്ക്ക് ഉള്ളിലെ കഥ പറഞ്ഞ സിനിമയാണ് ഉദയനാണ് താരം. മോഹൻലാൽ, മീന, ശ്രീനിവാസൻ എന്നിവർ പ്രാധാന കഥാപാത്രങ്ങളെ അവതരിപ്പിച്ച ചിത്രം വമ്പൻ ഹിറ്റും ആയിരുന്നു. റോഷൻ ആൻഡ്രൂസ് ആദ്യം ചെയ്ത സിനിമ ആയിരുന്നു ഉദയനാണ് താരം.
പക്ഷെ ചിത്രം ഇറങ്ങിയതിനു ശേഷം സൂപ്പർതാരങ്ങളായ മോഹൻലാൽ, മമ്മുട്ടി എന്നിവരെ കളിയാക്കിയതാണെന്ന അഭിപ്രായം വന്നിരുന്നു. ഇതുമായി ബന്ധപെട്ട് ഒരുപാട് വിമർശനങ്ങൾ സംവിധായകൻ കേട്ടിരുന്നു.
“ശരിക്കും നടന്മാരെ ഉദ്ദേശിച്ചെടുത്ത സിനിമ അല്ല. അങ്ങനെ ഒരു സംഭവമില്ല. കാരണം തിരക്കഥ വായിച്ചത് മോഹന്‍ലാലാണ്. ലാലേട്ടന് വേണമെങ്കില്‍ ആ സിനിമ വേണ്ടെന്ന് വയ്ക്കാമായിരുന്നു. മോഹന്‍ലാല്‍ എന്ന വ്യക്തിയെക്കുറിച്ച്‌ അതില്‍ പറഞ്ഞിട്ടൊന്നുമില്ല. ആന്റണി ചേട്ടനെ പറ്റിയും പറഞ്ഞിട്ടില്ല. ആള്‍ക്കാര്‍ പറഞ്ഞുണ്ടാക്കിയതില്‍ നിന്നായിരിക്കാം അങ്ങനെ തോന്നിയത്” റോഷൻ ആൻഡ്രൂസ് പറയുന്നു.
പിന്നെ വന്നൊരു വാദം കൂളിംഗ് ഗ്ലാസ് പറഞ്ഞു കളിയാക്കിയത് മമ്മുട്ടിയെ ആണെന്ന് ആയിരുന്നു. ഇതും ആൾക്കാരുടെ ഭാവനയാണെന്നാണ് സംവിധായകന്റെ അഭിപ്രായം.
Post Your Comments