കീർത്തി സുരേഷ് നായികയായി സാവിത്രിയുടെ കഥ പറഞ്ഞ ചിത്രം ആണ് മഹാനടി . ചിത്രം ഇറങ്ങിയ നാൾ മുതൽ അംഗീകാരങ്ങൾ തേടി വരുകയാണ് ചിത്രത്തെ. വമ്പൻ ഹിറ്റ് ആയ ചിത്രത്തിൽ ശിവാജി ഗണേശന്റെ വേഷത്തിൽ ദുൽഖർ സൽമാനും അഭിനയിച്ചിരുന്നു. ഈ ഒറ്റ ചിത്രത്തോടെ തെന്നിന്ത്യയിൽ സൂപ്പർസ്റ്റാർ പദവിയിലേക്ക് കീർത്തി എത്തുകയും ചെയ്തു.
ഇപ്പോൾ ചിത്രത്തിന് അന്താരാഷ്ട്ര തലത്തിലും അംഗീകാരം ലഭിച്ചിരിക്കുകയാണ്. മെല്‍ബണിലെ ഇന്ത്യന്‍ ചലച്ചിത്ര മേളയില്‍ ഇക്വാലിറ്റി ഇന്‍ സിനിമാ അവാര്‍ഡാണ് ചിത്രം സ്വന്തമാക്കിയത്. ചിത്രത്തിലെ അഭിനയത്തിന് മികച്ച നടിക്കുള്ള അവാര്‍ഡ് നോമിനേഷനും കീര്‍ത്തിക്ക് ലഭിച്ചു.റാണി മുഖര്‍ജി , വിദ്യാ ബാലന്‍, ദീപിക പദുകോണ്‍, ഭാനിത ദാസ് എന്നിവരും മികച്ച നടിക്കുള്ള നോമിനേഷന്‍ പട്ടികയിലിടം നേടിയത്. സഹനടിക്കുള്ള നോമിനേഷൻ മഹാനടിയിലെ അഭിനയത്തിന് സാമന്ത നോമിനേറ്റ് ചെയ്യപ്പെട്ടു.
Post Your Comments