കൊച്ചി : മഴക്കെടുതിയിൽ ദുരിതം പേറുന്നവർക്ക് സഹായവുമായി മമ്മൂട്ടി രംഗത്ത്. എറണാകുളം ജില്ലയിലെ പറവൂർ തേലത്തുരുത്തിലെ ദുരിതാശ്വാസ ക്യാമ്പിൽ നേരിട്ട് എത്തിയാണ് മമ്മൂട്ടി പ്രളയ ബാധിതർക്ക് സഹായ വാഗ്ദാനം നൽകിയത്.
പുത്തൻവേലിക്കര തേലത്തുരുത്ത് എന്ന കൊച്ചു ഗ്രാമത്തിൽ വെള്ളം കേറിയതോടെ വീട് വിട്ടിറങ്ങേണ്ടി വന്നത് മുന്നൂറ്റി അൻപത് ഓളം കുടുംബങ്ങളാണ് .തേലത്തുരുത്തിലെ സ്വകാര്യ ഓഡിറ്റോറിയത്തിൽ അവ‍ർക്കായി ഒരുക്കിയ ക്യാമ്പിലേക്കാണ് മമ്മൂട്ടി എത്തിയത്. ദുരിതം അനുഭവിക്കുന്നവരെ കരുതാൻ എല്ലാവരും ഒറ്റ കെട്ടായി നിൽക്കണമെന്ന് മമ്മൂട്ടി പറഞ്ഞു.
Read also:ദുരിതബാധിത പ്രദേശങ്ങള്‍ സന്ദര്‍ശിക്കുന്നതിന് മുഖ്യമന്ത്രിയും സംഘവും തിരിച്ചു
വേണ്ടപ്പെട്ടവരോട് ആലോചിച്ച ശേഷം സഹായം അടിയന്തരമായി എത്തിക്കുമെന്ന് ഉറപ്പ് നല്‍ക്കിയിട്ടാണ് മമ്മൂട്ടി മടങ്ങിയത്. ദുരിതബാധിതർക്ക് കൈത്താങ്ങുമായി എംഎൽഎ വി ഡി സതീശനും മമ്മൂട്ടിക്കൊപ്പം എത്തിയിരുന്നു.
Post Your Comments