സംസ്ഥാനത്ത് മഴ തുടരുന്നു : പതിനൊന്ന് ജില്ലകളിൽ റെഡ് അലർട്ട്

കോട്ടയം: സംസ്ഥാനത്ത് കനത്ത മഴ തുടരുന്ന സാഹചര്യത്തിൽ പതിനൊന്ന് ജില്ലകളിൽ റെഡ് അലെർട് പ്രഖ്യാപിച്ചു.48 മണിക്കൂര്‍ കൂടി കാലവര്‍ഷം സജീവമായി തുടരുമെന്നാണ് കാലാവസ്ഥാ പ്രവചനം. മധ്യകേരളത്തിലും വടക്കന്‍ ജില്ലകളിലും അതിതീവ്രമായ മഴയ്ക്ക് സാധ്യതയുണ്ടെന്നാണ് നിരീക്ഷണ കേന്ദ്രത്തിൽ നിന്നുള്ള റിപ്പോർട്ട്.

Also Read: പെരിയാറിന്റെ തീരത്ത് നിന്ന് 6500 കുടുംബങ്ങളെ മാറ്റേണ്ടി വരും

മഴയ്ക്കൊപ്പം സംസ്ഥാനത്ത് പലയിടത്തും ഉരുൾപൊട്ടലുണ്ടായത് കൂടുതൽ ദുരിതങ്ങൾക്ക് വഴിതുറന്നിരിക്കുകയാണ്. ഇനിയും ഉരുള്‍പൊട്ടല്‍ സാധ്യത ഉള്ളതിനാല്‍ മലയോരമേഖലയിലുള്ളവർക്ക് അതീവ ജാഗ്രതാ നിർദേശം. മഴയിൽ സംസ്ഥാനത്ത് മരണം 27 ആയി.