ഓണം ആഘോഷമാക്കാന്‍ കെആർടിസിയും; 64 സ്പെഷൽ സർവീസുകൾ

വീണ്ടും ഒരു ഓണം കൂടി വന്നെത്തുകയായി. ഓണത്തിനു നാട്ടിലേയ്ക്കെത്താന്‍ സ്പെഷ്യല്‍ 64 സ്പെഷൽ സർവീസുകളുമായി കർണാടക ആർടിസി. കോട്ടയം (6), എറണാകുളം (7), തൃശൂർ (9), പാലക്കാട് (8), കോഴിക്കോട് (1), കണ്ണൂർ (2), കുമളി (2) എന്നിവിടങ്ങളിലേക്കും തിരിച്ചു തിരക്കനുസരിച്ചുമാണ് സ്പെഷൽ സർവീസുകൾ. മൈസൂരുവിൽ നിന്ന് എറണാകുളത്തേക്കു ദിവസേന മൂന്നു സ്പെഷലും അനുവദിച്ചിട്ടുണ്ട്. കൂടാതെ തിരികെ യാത്രയ്ക്കും ഇത്രയും സര്‍വീസുകള്‍ പ്രഖ്യാപിച്ചിട്ടുണ്ട്. കേരള ആർടിസി ഇതിനകം എഴുപതോളം സ്പെഷൽ സർവീസുകൾ പ്രഖ്യാപിച്ചിട്ടുണ്ട്.

കേരള ആർടിസിയുടെ സ്പെഷൽ ബസുകളിലൊന്നുപോലും സേലം വഴിയില്ലെന്ന പരാതി ഉയര്‍ന്നിരുന്നു. ഈ സാഹചര്യത്തില്‍ സേലം വഴി തെക്കൻ കേരളത്തിലേക്കു നാല് സ്പെഷൽ സർവീസ് നടത്താനായി താൽകാലിക പെർമിറ്റിന് അപേക്ഷിച്ചതായി ടോമിന്‍ തച്ചങ്കരി ഒരു മാധ്യമത്തോട് പ്രതികരിച്ചു. കിട്ടിയാൽ സേലം വഴി പാലക്കാട്, തൃശൂർ, എറണാകുളം, കോട്ടയം, തിരുവനന്തപുരം ഭാഗങ്ങളിലേക്ക് അധിക സർവീസ് നടത്താനാകും.