ന്യൂഡൽഹി : മുതിർന്ന കോൺഗ്രസ് നേതാവ് ആർ.കെ ധവാൻ അന്തരിച്ചു. 81 വയസ്സായിരുന്നു. ബിഎൽ കപൂർ ആശുപത്രിയിൽ ചികിൽസയിലായിരുന്ന അദ്ദേഹത്തിന്റെ നില തിങ്കളാഴ്ച വൈകിട്ട് ഏഴു മണിയോടെ വഷളാവുകയായിരുന്നെന്നു അദ്ദേഹത്തിന്റെ കുടുംബ വൃത്തങ്ങൾ അറിയിച്ചു.
മുൻ പ്രധാനമന്ത്രി ഇന്ദിര ഗാന്ധിയുടെ അടുത്ത അനുയായി ആയിരുന്ന ധവാൻ ഇന്ദിര കൊല്ലപ്പെടുന്നതിന് ദൃക്സാക്ഷിയായ നേതാവാണ്. അടിയന്തരാവസ്ഥക്കാലത്ത് അധികാരം ധവാന്റെ കൈപ്പിടിയിലായിരുന്നെന്ന് ആരോപണം ഉയർന്നിരുന്നു.
ഇന്ദിര ഗാന്ധി വധിക്കപ്പെട്ടപ്പോൾ പദവികളിൽ നിന്നെല്ലാം മാറ്റി നിർത്തപ്പെട്ട ധവാന് രാജീവ് ഗാന്ധി പിന്നീട് സ്ഥാനങ്ങളെല്ലാം തിരിച്ചു നൽകിയിരുന്നു .2012 ൽ എഴുപത്തഞ്ചാം വയസ്സിലാണ് ആർ.കെ ധവാൻ വിവാഹം കഴിച്ചത്.
Post Your Comments