കൊച്ചി: നടിയെ ആക്രമിച്ച കേസില്‍ കക്ഷി ചേരാന്‍ ആവശ്യപ്പെട്ട് ഹൈക്കോടതിയില്‍ നല്‍കിയ ഹര്‍ജി താരസംഘടനയായ അമ്മ പിന്‍വലിച്ചു. നടപടി വിവാദമായതോടെയാണിത്. നടിമാരായ രചന നാരായണന്‍ കുട്ടി, ഹണി റോസ് എന്നിവരാണ് കേസില്‍ കക്ഷി ചേരാന്‍ ആവശ്യപ്പെട്ട് ഹൈക്കോടയില്‍ ഹര്‍ജി നല്‍കിയിരുന്നത്. തനിക്ക് സംഘടനയുടെ പിന്തുണ വേണ്ടെന്ന് ആക്രമിക്കപ്പെട്ട നടി വ്യക്തമാക്കിയിരുന്നു.
Also Read: മുഖ്യമന്ത്രി കുട്ടനാട് സന്ദര്‍ശിക്കാത്തതിനെതിരെ രൂക്ഷ വിമര്‍ശനവുമായി ബിജെപി
അമ്മയുടെ എക്സിക്യൂട്ടീവ് അംഗങ്ങള്‍ കേസില്‍ കക്ഷിചേരുന്നതിനെ ആക്രമിക്കപ്പട്ട നടി കോടതിയില്‍ ശക്തമായ ഭാഷയിൽ എതിര്‍ക്കുകയായിരുന്നു. താന്‍ ഇപ്പോള്‍ സംഘടനയുടെ ഭാഗമല്ലെന്നും കേസ് നടത്താന്‍ ആരുടേയും സഹായം വേണ്ടെന്നും നടി ഹൈക്കോടതിയില്‍ പറഞ്ഞിരുന്നു. ഇതിന്റെ പശ്ചാത്തലത്തിലാണ് അമ്മ ഹർജി പിൻവലിക്കാൻ തീരുമാനിച്ചത്.
Post Your Comments