റിയാദ് : വാഹനാപകടത്തിൽ രണ്ടു പ്രവാസികൾ മരിച്ചു. റിയാദില്‍ നിന്ന് അല്‍ഹസ്സയിലേക്കു പോകവേ ഖുരൈസിൽ വെച്ചുണ്ടായ അപകടത്തിൽ കൊല്ലം സ്വദേശികളായ സഹീര്‍ (30), ഹാഷിം (30) എന്നിവരാണു മരിച്ചത്. തൃശൂര്‍ സ്വദേശി പോള്‍സൺ, കായംകുളം സ്വദേശി നിഷാദ് എന്നിവര്‍ക്ക് ഗുരുതരമായി പരിക്കേറ്റു. ഇവർ ഇപ്പോൾ അല ഹസ്സ കിങ് ഫഹദ് ആശുപത്രിയില്‍ ചികിൽസയിലാണ്.
ഇവര്‍ സഞ്ചരിച്ചിരുന്ന പിക്ക് അപ്പ്‌ വാന്‍ ഡിവൈഡറില്‍ തട്ടി മറിഞ്ഞായിരുന്നു അപകടം. റിയാദിലെ സ്വകാര്യ കമ്പനിയില്‍ ജോലി ചെയ്യുന്ന ഇവർ വെള്ളിയാഴ്ച പുലർച്ചെയാണ് അല്‍ ഹസ്സ സന്ദര്‍ശനത്തിനായി റിയാദില്‍ നിന്ന് പുറപ്പെട്ടത്.
Also read : തിരുവനന്തപുരത്ത് ആംബുലന്‍സ് തട്ടി ഒരാള്‍ക്ക് ദാരുണാന്ത്യം
Post Your Comments