രാത്രിയിൽ നേരത്തെ കിടന്നുറങ്ങുന്ന പുരുഷന്‍മാര്‍ ശ്രദ്ധിക്കുക !

ഉറങ്ങാൻ എല്ലാവർക്കും ഇഷ്ടമാണ്. എത്രയും നേരത്തെ ഉറങ്ങാൻ പറ്റുമോ അത്രയും നേരത്തെ കിടന്നുറങ്ങുന്നവരാണ് അധികം ആളുകളും. എന്നാൽ നേരത്തെ കിടന്നുറങ്ങാനുള്ള പ്രവണതയുള്ള പുരുഷന്മാർ ചില കാര്യങ്ങൾ ശ്രദ്ധിക്കേണ്ടതുണ്ട്. കാരണം അതൊരു രോഗ ലക്ഷണമാകാം​.

ഹൃദ്രോഗത്തിന്‍റെ സൂചനയാണ്​ പുരുഷൻമാരിലെ നേരത്തെയുള്ള ഉറക്കമെന്നാണ്​ പുതിയ പഠനങ്ങൾ വ്യക്​തമാക്കുന്നത്​. നേരത്തെ ഉറങ്ങാൻ നിങ്ങളെ പ്രേരിപ്പിക്കുന്നത്​ ഒരു പക്ഷെ ഉയർന്ന രക്​തസമ്മർദം ആയിരിക്കാം. ജപ്പാനിലെ ഹിരോഷിമ അറ്റോമിക്​ ബേംബ്​ കാഷ്വാലിറ്റി കൗൺസിലി​ലെ ഗവേഷകരാണ്​ ഇത്​ ഹൃദ്രോഗത്തി​ന്‍റെ സൂചന കൂടിയാണെന്ന മുന്നറിയിപ്പ്​ തരുന്നത്​.

Read also:ഷൂട്ടിങ് ചാമ്പ്യന്‍ഷിപ്പിന് കോഴിക്കോട് തുടക്കം; ഇനി ഇഞ്ചോടിഞ്ച് പോരാട്ടം

പ്രായപൂർത്തിയായ 2400 പേരിലാണ്​ പഠനം നടത്തിയത്​. ആരോഗ്യമുള്ളവരെ അപേക്ഷിച്ച്​ ശരാശരി 18 മിനിറ്റ്​ മു​മ്പെങ്കിലും ഇവർ ബെഡിൽ എത്തുന്നുവെന്നാണ്​ കണ്ടെത്തൽ. ഉയർന്ന രക്​തസമ്മർദം ഹൃദയാഘാതത്തിനുള്ള മുഖ്യകാരണങ്ങളിലൊന്നാണ്​. പക്ഷാഘാതത്തിനും ഇതുവഴിവെക്കുന്നു. ഇത്തരം ശാരീരക അവസ്​ഥകളിൽ ശരീരം ക്ഷീണിക്കുകയും ഇത്​ അവരെ നേരത്തെ കിടക്കാൻ പ്രേരിപ്പിക്കുകയും ചെയ്യുന്നു. ശരിയായ രീതിയിൽ ഉറക്കം ലഭിക്കാത്ത പ്രശ്​നവും ഇവർ നേരി​ട്ടേക്കാം. നേരത്തെയുള്ള ഉറക്കം ഉയർന്ന രക്​തസമ്മർദവുമായി ബന്ധപ്പെട്ടിരിക്കുന്നുവെന്നും ഇത്​ ശരീരത്തിലെ ജൈവ ഘടികാരത്തെ പോ​ലും സ്വാധീനിക്കുമെന്നും ഹിരോഷിമ അറ്റോമിക്​ ബോംബ്​ കാഷ്വാലിറ്റി കൗൺസിലിലെ ഗവേഷകൻ നുബുവോ സസാക്കി പറഞ്ഞു.